გიორგი არაბიძემ ზედიზედ მეორე დუბლი შეასრულა დონეცკის "შახტარის" 21-წლამდელთა მაისურით. უკრაინის ახალგაზრდულ ჩემპიონატში დონეცკელებმა თანაქალაქელ "ოლიმპიკს" 4:0 მოუგეს, არაბიძემ კი ორივე გოლი მეორე ნახევარში მიითვალა, მათ შორის ერთი - პენალტით.
გიორგიმ 90 წუთი ითამაშა და ასევე, "ოლიმპიკშიც" შეუცვლელად გაისარჯა ქართველი ფეხბურთელი - 20 წლის ლუკა ნადირაძე, რომელზეც ადრეც დაგვიწერია. ნადირაძეს ხან მცველად ათამაშებენ, ხან - ნახევარმცველად.
