ინგლისურ „მანჩესტერ სიტიში“ ზაფხულში დიდი საკადრო ცვლილებებია მოსალოდნელი. ამის შესახებ საჯაროდ საუბარი უკვე პეპ გვარდიოლამ დაიწყო. ესპანელი სპეციალისტის თქმით, მას უკვე მიღებული აქვს გადაწყვეტილება, თუ ვინ დატოვებს „სიტის“ ზაფხულში.
„მათი მომავალი დამოკიდებული არაა სეზონში დარჩენილ სამ თამაშზე. გადაწყვეტილება უკვე მივიღე და მას სეზონის დასრულების შემდეგ გაგაცნობთ, მაგრამ რა თქმა უნდა, მე მათი ვინაობა ვიცი“, - თქვა პეპმა.
ამასობაში კი, ინგლისური მედია დარწმუნებულია, რომ გვარდიოლას შავ სიაში შვიდი ფეხბურთელია მოხვედრილი: იაია ტურე, გაელ კლიში, ბაქარი სანია, პაბლო საბალეტა, ვილი კაბალიერო, ხესუს ნავასი და ახალგაზრდა ტოსინ ადარაბიო, რომელსაც სავარაუდოდ განათხოვრება ელოდება.
