ფეხბურთი

18:12 | 11.05.2017 | ნანახია [] - ჯერ

ქუთაისის „ტორპედო“ აუქციონზე - საწყისი ფასი 585 412 ლარი

საფეხბურთო კლუბი ქუთაისის „ტორპედო“ აუქციონის წესით გაიყიდება. ამის შესახებ ინფორმაცია კლუბის ოფიციალურ ვებგვერდზე გამოქვეყნდა, სადაც ის პირობებიცაა ჩამოთვლილი, რომელიც შეძენის მსურველმა უნდა დააკმაყოფილოს:

„შპს „საფეხბურთო კლუბი ტორპედო ქუთაისი“-ს ამჟამინდელმა მეპატრონემ, ქუთაისის მუნიციპალიტეტმა კლუბის შემდგომი განვითარებისათვის, უკეთესი საარსებო პირობების შექმნის მიზნით გადაწყვიტა მისთვის კერძო მესაკუთრის მოძიება, რისთვისაც 2017 წლის 11 მაისის 15 საათიდან გამოცხადდა აუქციონი
დასახელება: ქალაქ ქუთაისის მუნიციპალიტეტის საკუთრებაში არსებული ქონების, კერძოდ შპს „საფეხბურთო კლუბი ტორპედო ქუთაისი“-ს 100% წილისა და დანართში მითითებული ძირითადი საშუალებების, საწესდებო კაპიტალში არსებული უძრავი ქონებებისა და აკ. ხორავას ქუჩა N1, ნაკვეთი N1-ში არსებული ძირითადი საშუალებების გათვალისწინების გარეშე პირობებით პრივატიზება
საწყისი ფასი 585 412,0 ₾
აუქციონი მოქმედებს 2017 წლის 26 მაისის 15 საათამდე
სააუქციონო პირობები:
1. შპს ,,საფეხბურთო კლუბი ტორპედო ქუთაისის’’ (ს/კ N212917183) განვითარებისათვის მყიდველმა ყოველწლიურად უნდა უზრუნველყოს, ფეხბურთის განვითარების ფონდის არსებობის, ფუნქციონირების შემთხვევაში არანაკლებ 1,5 მლნ. ლარის ინვესტირება, მათ შორის პირდაპირი ინვესტირების გზით ან სპონსორის მოზიდვით (ფონდიდან მისაღები თანხების გარეშე) უნდა უზრუნველყოს 500 000 ლარის ინვესტირება დამოუკიდებლად. 2017 წლის ვალდებულება, მიუხედავად არასრული კალენდარული წლისა, სრულად უნდა შესრულდეს 2018 წლის 1 იანვრამდე რაც გულისხმობს, მყიდველის მიერ 500 000 ლარის პირდაპირი გზით ინვენსტირებას, გარდა ფეხბურთის განვითარების ფონდიდან მიღებული თანხებისა;
2. ფეხბურთის განვითარების ფონდიდან დაფინანსების შეწყვეტის ან შემცირების შემთხვევაში, მყიდველის მიერ უნდა განხორციელდეს პირდაპირი ინვესტირების გზით ან სპონსორის მოზიდვით, შპს ,,საფეხბურთო კლუბი ტორპედო ქუთაისი“-სათვის, არანაკლებ 1,5 მლნ ლარით დაფინანსება, მე-3 პუნქტში განსაზღვრული მიმართულებებისათვის;
3. მყიდველის მიერ ინვესტირებული (მ.შ.ფეხბურთის განვითარების სახელმწიფო პროგრამიდან გამოყოფილი დაფინანსების) თანხა გაიხარჯოს შპს ,,საფეხბურთო კლუბი ტორპედო ქუთაისის’’ (ს/კN212917183) თანამშრომლების, ფეხბურთელების შრომის ანაზღაურებისათვის, ფეხბურთელების შეძენისათვის, შპს ,,საფეხბურთო კლუბი ტორპედო ქუთაისის’’ (ს/კ N212917183) ტორპედო ქუთაისის ბაზაზე საფეხბურთო სკოლა-აკადემიის და ბავშვთა ფეხბურთის განვითარებისათვის;
4. მყიდველმა ყოველწლიურად უზრუნველყოს შპს „საფეხბურთო კლუბი ტორპედო ქუთაისის’’ (ს/კ N212917183) საქართველოს ეროვნული უმაღლესი ლიგის ჩემპიონატში მონაწილეობისათვის პირობების დაკმაყოფილება და შესაბამისი ლიცენზიის მოპოვება/შენარჩუნება, როგორც ეროვნულ, ისე საერთაშორისო ასპარეზზე მონაწილეობისათვის;
5. მყიდველი ვალდებულია უზრუნველყოს საფეხბურთო სკოლა-აკადემიის და ბავშვთა გუნდების ფუნქციონირება (წელიწადში 100-200 ბავშვზე), ოფიციალური მატჩებისა და სასწავლო-საწვრთნელი პროცესი, ფიფას, უეფას და საქართველოს ფეხბურთის ფედერაციის დებულებებით დადგენილი პირობების შესაბამისად;
6. მყიდველი ვალდებულია არ შეცვალოს შპს ,,საფეხბურთო კლუბი ტორპედო ქუთაისის’’ (ს/კ N212917183) სპორტული პროფილი -,,ფეხბურთი’’;
7. მყიდველი ვალდებულია გადაიხადოს შპს ,,საფეხბურთო კლუბი ტორპედო ქუთაისის’’ (ს/კ N212917183) ნასყიდობის ხელშეკრულების გაფორმებამდე წარმოშობილი კრედიტორული დავალიანებები, ასეთის არსებობის შემთხვევაში (თან ერთვის ფინანსური დოკუმენტაცია);
8. მყიდველი ვალდებულია უზრუნველყოს, რომ საფეხბურთო კლუბმა შეასრულოს უეფასა და საქართველოს ფეხბურთის ფედერაციის მიერ დადგენილი საკლუბო ლიცენზირების სავალდებულო მოთხოვნები და სხვა სტანდარტები;
9. მყიდველი ვალდებულია ქალაქ ქუთაისის მუნიციპალიტეტის მერიაში წარმოადგინოს შპს ,,საფეხბურთო კლუბი ტორპედო ქუთაისის’’ (ს/კ N212917183) განვითარებისათვის, შპს ,,საფეხბურთო კლუბი ტორპედო ქუთაისი“-ში ჩარიცხული თანხების დამადასტურებელი დოკუმენტები (საგადასახადო დავალება), ვალდებულების დადგომის ბოლო დღიდან 10 (ათი) დღის ვადაში;
10. მყიდველი ვალდებულია ქალაქ ქუთაისის მუნიციპალიტეტის მერიაში წარმოადგინოს, საქართველოში ლიცენზირებული აუდიტის დასკვნა, საპრივატიზებო პირობის/პირობების შესრულების შესახებ, ვალდებულების დადგომის ბოლო დღიდან 3 (სამი) თვის ვადაში;
11. ერთ-ერთი საპრივატიზებო პირობის შეუსრულებლობის შემთხვევაში, გამყიდველს უფლება აქვს მოითხოვოს და ასეთის არსებობის შემთხვევაში, მყიდველმა დაუყონებლივ უნდა დაუბრუნოს გამყიდველს შეძენილი შპს ,,საფეხბურთო კლუბი ტორპედო ქუთაისის’’ (ს/კ N212917183) 100%-იანი წილი და დანართში მითითებული ძირითადი საშუალებები, ყოველგვარი დავალიანების გარეშე;

fctorpedo.ge

0.120476