საინტერესო ინფორმაციას ავრცელებს ესპანური გამოცემა Mundo Deportivo. შესაძლოა, ზაფხულის სატრანსფერო ფანჯრის გახსნის შემდეგ “ბარსელონამ” “ბებერი ქალბატონის” ახალგაზრდა თავდამსხმელი პაულო დიბალა გადაიბიროს.

როგორც ესპანური მედია იუწყება, არაა გამორიცხული კატალონია ნეიმარმა დატოვოს და დიბალა მის შემცვლელად მოისაზრება.

“იუვენტუსს” დიბალას გაყიდვა არ სურს, თუმცა ყველაფერი ფეხბურთელზე და მის აგენტზე იქნება დამოკიდებული. რაც შეეხება ღირებულებას, დღეისთვის 23 წლის არგენტინელი 80-დან 100 მილიონ ევრომდე ღირს.

შეგახსენებთ, რომ პაულო დიბალა “იუვენტუსში” 2015-2016 წლების სეზონში იტალიური “პალერმოდან” გადავიდა და დღემდე 86 მატჩში 40 გოლი გაიტანა.