ეროვნულ ჩემპიონატში სანაკრებო მატჩებით გამოწვეულ პაუზას, ბათუმის "დინამო" საერთაშორისო სპარინგმატჩით შეავსებს. 26 მარტს, რიზეში, დინამოელები თურქული სუპერლიგის ბინადარს "ჩაიკურ რიზესპორს" დაუპირისპირდებიან.

2015 წელს გუნდებს შორის გამართული შეხვედრა რიზელთა გამარჯვებით, 5:2 დასრულდა. ამხანაგური შეხვედრა სპორტული სააგენტოს Enda Tour-ის (წარმომადგენელი დავით ყენია) მიერ დაიგეგმა, რომელიც ამავდროულად "დინამოს" სეზონურ შეკრებებს უწევს ორგანიზებას.