სარეკლამო ადგილი - 3
227 x 91
ფეხბურთი

16:45 | 18.03.2017 | ნანახია 1434 - ჯერ

ლაშა შერგელაშვილი: "საჯარიმოებზე მუდამ განსაკუთრებულად ვვარჯიშობდი და ვივარჯიშებ"

24 წლის მარცხენა მცველი ლაშა შერგელაშვილი ის ფეხბურთელია, რომელიც ბოლო ოთხ სეზონში სამჯერ გახდა საქართველოს ჩემპიონი. ორჯერ ეს თბილისის "დინამოში" მოახერხა, ხოლო შარშან - "სამტრედიაში". შერგელაშვილი საქართველოს ჩემპიონი გუნდიდან ლატვიაში გადავიდა. კლუბს "რიგასი" ჰქვია, იქ კი კიდევ ერთი ქართველი თამაშობს: ნახევარმცველი გიორგი დიაკვნიშვილი.

საჯარიმოების შესრულებით გამორჩეული შერგელაშვილისთვის წლევანდელი იანვარი განსაკუთრებული გამოდგა, რადგან პირველად ითამაშა საქართველოს ეროვნულ ნაკრებში. ეს - დუბაიში, უზბეკეთთან და იორდანიასთან ამხანაგურ მატჩებში, სადაც ვაისს ნაკრების რეზერვის ნახვა სურდა.

ლაშა შერგელაშვილს ლატვიაში დავუკავშირდით:

- ამ ეტაპზე გუნდში ყველა პირობაა საიმისოდ, რომ თავი კარგად ვიგრძნო. რა თქმა უნდა, ჩემი საბოლოო მიზანი ლატვიის ჩემპიონატში თამაში არაა, მაგრამ ახლა კმაყოფილი ვარ.

-"რიგასს" რა მიზნები აქვს?

- ჩემპიონობისთვის ბრძოლა.

-მართალია, ახალი გადასული ხარ და ჯერ მხოლოდ ერთი ტური იყო, მაგრამ მაინც, რაშია მთავარი განსხვავება ქართულ და ლატვიურ კლუბებს შორის?

- როგორც ახალწვეული, მთლიანად ჩემპიონატს ვერ შევაფასებ. ისე, პირველ ტურში საკმაოდ დაძაბული და რაც მთავარია, წარმატებული თამაში გვქონდა. ჩემპიონი გუნდი "სპარტაკს იურმალა" დავამარცხეთ (2:1) და მიხარია, რომ პატარა წვლილი მეც შევიტანე.

- საქართველოს ჩემპიონიდან ლატვიის მე-6 გუნდში წასვლა ბევრისთის გაუგებარია. რა მიზეზები იყო?

- მესმის, რომ ბევრისთვის გაუგებარი იყო ჩემი გადაწყვეტილება, მაგრამ მინდა გითხრათ, რომ მიზეზი ფინანსური საკითხი არ ყოფილა. უბრალოდ, ჩავთვალე, რომ უკეთესი იქნებოდა, ლატვიის იმკლუბში მეთამაშა, რომელმაც შემადგენლობა გააძლიერა და რომელიც ჩემპიონობას გეგმავდა. კარიერაში წინსვლა მჭირდება.

- როგორაალატვიაში საქმე მოედნების მხრივ?

- თვის ბოლომდე ხელოვნურზე ვივარჯიშებთ და აპრილის დასაწყისში უკვე ბუნებრივზე გადავალთ. საერთოდ, აქ ბუნებრივი მინდვრები კარგ მდგომარეობაშია.

- საჯარიმოებს "რიგასშიც"შენ ურტყამ?

- დიახ. ზოგადად, სტანდარტულებსაც.

-საჯარიმოებზე სპეციალურად ვარჯიშობდი და ვარჯიშობ ისევ?

- ამ მხრივ ყოველთვის განსაკუთრებულად ვვარჯიშობდი და მომავალშიც ასე იქნება.

- დუბაის შეკრებაზე რას იტყვი? ნაკრებში დებიუტი გქონდა...ვლადიმირ ვაისი ცალკე ხომ არ გესაუბრა?

- ნაკრებში თამაში ყველა ფეხბურთელის ოცნებაა. ვაისისგან ნდობა ვიგრძენი, ორივე ამხანაგურ მატჩში მათამაშა. კიდევ თუ მომეცემა შანსი, აუცილებლად ჩამოვალ და ჩემი ქვეყნის ღირსების დასაცავად ყველაფერს გავაკეთებ.

სარეკლამო ადგილი - 25
710 x 104
Loading...

კომენტარები (3)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
21:20 | 18.03.2017
charli (556)

ლატვია 41-ე ადგილზეა ევროპაში. ეტყობა მაგიტომ გადავიდა. აბა საფრანგეთში ხომ არ წავიდოდა მე-5.

21:25 | 18.03.2017
Dimitriusi (84)

უეჭველი

21:07 | 18.03.2017
LA.paata (743)

მაგარი ტრანსფერია რას ერჩით. ლატვიის მე-6 გუნდში გადასვლა და ოცნება ლატვიის ჩემპიონი გახდეს. საქართველოს ჩემპიონი სამტრედია უფრო მეტია ვიდრე ლატვიისა ჩემპიონი. ასეთი არჩევნის შემდეგ რაზე უნდა ქონდეს პრეტეზია არ ვიცი....რითი ფიქრობს ეს ხალხი?

20:57 | 18.03.2017
Dimitriusi (84)

წარმატებები!)))))
ზოგადად რისი პრეტენზია უნდა გვქონდეს ნაკრების თამაშზე!? როცა ასეთი დაბალი დონის გუნდებში მოთამაშე ( უმეტესობას არც თამაში არ უწევს) ლეგიონერები გვყავს

სარეკლამო ადგილი - 7
250 x 250
სარეკლამო ადგილი - 31
250 x 250
სარეკლამო ადგილი - 22
250 x 250
სარეკლამო ადგილი - 23
250 x 531
0.102789