ეროვნული ლიგის მეორე ტურში ყველაზე ადრე თბილისური დერბი დაიწყო: "ლოკომოტივი" "დინამოს" ეთამაშა და 1:0 მოუგო. ერთადერი გოლი 57-ე წუთზე გავიდა, ნოდარ ქავთარაძემ ირაკლი კომახიძის პასით გაიტანა. შესაბამისად, გიორგი დევდარიანის გაწვრთნილ "ლოკოს" 6 ქულა აქვს და ჩემპიონატის ლიდერია...
ბათუმის "დინამოსთვისაც" კარგი ტური იყო. ლევან ხომერიკის გუნდმა გორის "დილას"სტუმრად 1:0 სძლია. ბოლო წუთებზე გავიდა ერთადერთი გოლი: უკრაინელმა კვასოვმა სუხიაშვილის პასით შეაგდო და ზღვისპირელებს სამი ქულა მოუტანა.
ფოთის "კოლხეთმა" 3:0 სძლია "საბურთალოს". მე-60 წუთამდე გოლი არ იყო გასული, მაგრამ გიორგი ჯანელიძემ 12-წუთიან მონაკვეთში დუბლი მიითვალა, მერე კი სენეგალელმა არფანგ დაფემ უფრო სოლიდური გახადა ფოთელთა უპირატესობა. ორივე გუნდს 3-3 ქულა აქვს ჩემპიონატში.
ჯანელიძეს ჯერ დაფე, მერე კი კოვტალიუკი დაეხმარნენ გოლის გატანაში. ყველაზე ლამაზი გოლი კი თავად სენეგალელმა შეაგდო - მარცხნიდან შეიჭრა საჯარიმოში და შორეულ კუთხეში ძლიერად დაარტყა.
...და მატჩი სამტრედიაში... ჩემპიონი მეორეადგილოსნის წინააღმდეგ. "სამტრედიამ" საჩხერის "ჩიხურას" უმასპინძლა და 0:1 წააგო. გიორგი კორიფაძემ მშვენიერი გოლი გაიტანა: მარჯვენა ფლანგზე გააყოლეს ბურთი, კორიფაძისგან ყველა ჩაწოდებას ელოდა, მაგრამ მან შორეულ კუთხეში დაარტყა და ომარ მიგინეიშვილმა ვერაფერი გააწყო."სამტრედიას" 6 შესაძლებლიდან მხოლოდ 1 ქულა აქვს, თანაც, ორივე მატჩი შინ ჩაატარა. ცუდად დაიწყო ჩემპიონმა...
ლოკომოტივი - დინამო თბილისი 1:0
გოლი: 1:0 ქავთარაძე (57)
დილა - დინამო ბათუმი 0:1
გოლი: 0:1 კვასოვი (87)
კოლხეთი - საბურთალო 3:0
გოლები: 1:0, 2:0 ჯანელიძე (60, 72), 3:0 დაფე (81)
სამტრედია - ჩიხურა 0:1
გოლი: 0:1 კორიფაძე (67)
შუქურა-ტორპედო 1:1 (გუშინ გაიმართა)
გოლები: 1:0 შალამბერიძე (6), 1:1 ტუღუში (14)Y
შემდეგი ტური
18 მარტი
14:00: დინამო თბილისი-დილა, 19:00: საბურთალო-ლოკომოტივი
19 მარტი
16:00: დინამო ბათუმი-სამტრედია, ჩიხურა-შუქურა, ტორპედო-კოლხეთი
ადგ.კლუბითამაშიმოგებაფრეწაგებაგატანილიმიღებული±ქულაშემდეგი თამაში
| 1. |  ლოკომოტივი | 2 | 2 | 0 | 0 | 3 | 1 | +2 | 6 |  საბ |
| 2. |  ჩიხურა | 2 | 1 | 1 | 0 | 1 | 0 | +1 | 4 |  შუქ |
| 3. |  კოლხეთი 1913 | 2 | 1 | 0 | 1 | 3 | 1 | +2 | 3 |  ტორ |
| 4. |  დინამო ბთ | 2 | 1 | 0 | 1 | 2 | 2 | 0 | 3 |  სამ |
| 5. |  დინამო თბ | 2 | 1 | 0 | 1 | 1 | 1 | 0 | 3 |  დილ |
| 6. | საბურთალო | 2 | 1 | 0 | 1 | 1 | 3 | -2 | 3 | ლოკ |
| 7. | შუქურა | 2 | 0 | 2 | 0 | 2 | 2 | 0 | 2 | ჩიხ |
| 8. | ტორპედო | 2 | 0 | 1 | 1 | 1 | 2 | -1 | 1 | კოლ |
| 9. | სამტრედია | 2 | 0 | 1 | 1 | 1 | 2 | -1 | 1 | დბთ |
| 10. | დილა | 2 | 0 | 1 | 1 | 0 | 1 | -1 | 1 | დთბ |
