ფეხბურთი

17:10 | 8.03.2017 | ნანახია [] - ჯერ

ვერატის ძმა: "მარკო თუ პსჟ-დან წავა, მხოლოდ "იუვენტუსში" გადავა"

ბოლო დროს მარკო ვერატის ირგვლივ სატანსფერო ციებ-ცხელებაა. “ბარსელონა”, “ინტერი” და “იუვენტუსი” – ყველაზე მეტად ამ სამ გუნდს უკავშირებენ 24 წლის ნახევარმცველს. თუმცა, როგორც თავად მარკო ამბობს, პსჟ-დან წასვლას არ აპირებს. აღნიშნული ინფორმაცია ვერატის ძმამ, სტეფანომ იტალიურ მედიასთან საუბარშიც დაადასტურა, თუმცა დასძინა, რომ თუ მარკო პარიზს დატოვებს, მხოლოდ “იუვენტუსის” სანაცვლოდო:

“როდესაც მარკო 14 წლის იყო, “მილანი” იწვევდა, მაგრამ ჩემმა ძმამ უარი თქვა, რადგან ძალიან ახალგაზრდა გახლდათ. 2012 წელს კი, “პესკარადან” “იუვენტუსში” გადასვლას ველოდით. ამის შესახებ გაზეთებიც წერდნენ, მაგრამ მარკო პსჟ-ში გადავიდა. ამით გაოცებულები ვიყავით, მეც, დედაჩემიც – ბავშვობაში ჩვენ ყოველთვის “იუვეს” ვგულშემატკივრობდით და თუ ჩემი ძმა პსჟ-დან წავა, მაშინ აუცილებლად “ბებერ ქალბატონში” გადავა. თუმცა, ვფიქრობ, მარკო პსჟ-ში კიდევ დიდი ხანი დარჩება, რადგან ამ გუნდმა მისი ცხოვრება შეცვალა. იგი პარიზში კაცად ჩამოყალიბდა, იქ დაიბადა მისი შვილი და მოკლედ თავს საფრანგეთში ძალიან კარგად გრძნობს”, - თქვა სტეფანო ვერატიმ.

მარკო ვერატი “პარი სენ ჟერმენს” 2012 წელს “პესკარადან” შეუერთდა და იქედან მოყოლებული ევროპის საუკეთესო ნახევარმცველებშია.

0.13819