ინგლისის პრემიერლიგის ბინადარმა “ტოტენჰემმა” პირადი რეკორდი დაამყარა. ლონდონურმა გუნდმა პრემიერლიგაში ზედიზედ მეცხრე საშინაო მატჩი მოიგო და ასეთი კარგი სერია საკუთარ მოედანზე არასდროს ჰქონია.
სარეკორდო გამარჯვება “დეზებმა” ლივერპულის “ევერტონთან” მოიპოვეს ანგარიშით – 3:2. რაც შეეხება სერიას, მაურისიო პოჩეტინიოს შეგირდებმა შემდეგ გუნდებს აჯობეს:
“ვესტ ჰემი” (3:2), “სუონსი” (5:0), “ჰალი” (3:0), “ბარნლი” (2:1), “ჩელსი” (2:0), “ვესტ ბრომვიჩი” (4:0), “მიდლსბრო” (1:0), “სტოკი” (4:0) და “ევერტონი” (3:2).
მომდევნო მატჩს “ტოტენჰემი” სახლში 19 მარტს, “საუთჰემპტონის” წინააღმდეგ გამართავს.