კატალონიის “ბარსელონას” მთავარი მწვრთნელი ლუის ენრიკე ბოლო დროს კრიტიკის ობიექტია. თუმცა, როგორც თავად ესპანელმა სპეციალისტმა “ლეგანესთან” მატჩის წინ განაცხადა, კრიტიკა მას არ აინტერესებს, რადგან უმნიშვნელოა.
“კრიტიკა ჩემთვის არაფერს წარმოადგენს – მე და მედია ორ სხვადასხვა მხარეს ვართ. ვიცი, რომ ჩემპიონთა ლიგაზე ჩვენი საქმე რთულადაა, მაგრამ არ დაგვავიწყდეს, რომ ჯერ კიდევ სამ ფრონტზე ვიბრძვით. პსჟ-სთან საპასუხო თამაშზე უკვე ვფიქრობთ, ისევე როგორც სამეფო თასის ფინალში “ალავესთან” მატჩისთვის.
მომავალი? – ჯერჯერობით გადაწყვეტილება მიღებული არაა. ყველაფერი იმაზე იქნება დამოკიდებული, როგორ ითამაშებს გუნდი სეზონის დარჩენილ, გადამწყვეტ თვეებში”, - აღნიშნა ლუის ენრიკემ.
“ბარსელონა” ამ დროისთვის სამ ფრონტზე თამაშობს, მაგრამ ჩემპიონთა ლიგის მერვეფინალში პსჟ-სთან პირველ მატჩში 0:4 დამარცხდა, ხოლო ლა ლიგაში ლიდერ “რეალს” ჩამორჩება და თამაშით მეტი აქვს ჩატარებული.
