2017 წლის ევროპის ჩემპიონატის შესარჩევ ეტაპზე საქართველოს კალათბურთელთა ეროვნული ნაკრების საშინაო მატჩების ბილეთების ონლაინ გაყიდვა დაიწყო. ბილეთის ფასი 5, 10 და 15 ლარია, რომლის შეძენა გულშემატკივარს www.tkt.ge-ზე შეუძლია. ამის შესახებ საქართველოს კალათბურთის ფედერაციის პრესსამსახური იტყობინება.

შეგახსენებთ, რომ საქართველოს ეროვნული ნაკრები შესარჩევ ეტაპზე სამ საშინაო შეხვედრას გამართავს. 31 აგვისტოს ალბანეთთან, 7 სექტემბერს მონტენეგროსთან, ხოლო 14 სექტემბერს - სლოვაკეთის ნაკრებთან.

ევროპის ჩემპიონატის შესარჩევი ეტაპის მატჩებს 26 მაისის მოედანზე მდებარე თბილისის სპორტის სასახლე უმასპინძლებს. ყველა შეხვედრა 19:00 საათზე დაიწყება.