ფეხბურთი

2:02 | 15.08.2016 | ნანახია [] - ჯერ

უმაღლესი ლიგა – წითელი ჯგუფი

14 აგვისტოს საქართველოს ეროვნული ჩემპიონატის უმაღლესი ლიგის წითელი ჯგუფის მეორე ტურის მატჩები გაიმართა.

ტურის ცენტრალური დაპირისპირება სამტრედიაში შედგა. "ეროსი მანჯგალაძეზე" ერთმანეთს "სამტრედია" და "სიონი დაუპირისპირდნენ. უხვგოლიან შეხვედრაში მასპინძლებმა 4:1 გაიმარჯვეს.

მათი მხრიდან დუბლით ბუდუ ზივზივაძე გამოირჩა, თითო გოლი კი, არაბულისა და გამყრელიძის ანგარიშზეა. ბოლნისელთა მხრიდან პრესტიჟის გოლი დავით ვოლკოვმა გაიტანა. მატჩს ფეხბურთის ფედერაციის პირველი ვიცე-პრეზიდენტი კახა ჭუმბურიძე ესწრებოდა.

დამაჯერებლად იმარჯვა ბათუმის "დინამომ". აჭარლები სტუმრად ფოთის "კოლხეთს" დაუპირისპირდნენ და მეტოქე 5:0 დაამარცხეს. ამ გამარჯვებით მათ 4 ქულა დააგროვეს და "სამტრედიასთან" ერთად პირველ-მეორე ადგილებს იყოფენ.

უხვგოლიანი შეხვედრა გაიმართა გორშიც. მასპინძელმა "დილამ" "ზუგდიდი" სამბურთიანი სხვაობით 4:1 დაამარცხა. გორელებმა თამაშის ბედი პირველივე ტაიმში გადაწყვიტეს და მეორე ნახევარში მატჩის გამარჯვებამდე მიყვანა აღარ გასჭირვებიათ.

სფფ-ის პრესსამსახური

0.12184