ბათუმში მიმდინარე ქალთა გრან-პრის III ეტაპის 6 ტურის თავზე წინ მარია მუზიჩუკი (2555) გაიჭრა. უკრაინელმა მოჭადრაკემ თეთრი ფიგურებით რუსი ოლგა გირია (2442) დაამარცხა და 4.0 ქულით პირველ ადგილზეა.

ლიდერს 0.5 ქულით ერთბაშად 5 მოჭადრაკე ჩამორჩება, რომელთა შორის ნანა ძაგნიძეც (2535) იმყოფება. საქართველოს ნაკრების ლიდერმა თეთრებით თანაგუნდელ ნინო ბაციაშვილს (2476) სძლია და დამატებითი მაჩვენებლებით, მესამეა.

საინტერესოა, რომ მე-6 ტურში ყაიმით ერთადერთი პარტია დასრულდა: ბელა ხოტენაშვილი (2493) რუს ვალენტინა გუნინას (2497) დაუზავდა, თუმცა, 2.0 ქულით უკანასკნელ მე-12 პოზიციაზე რჩება.

ბაციაშვილი 2.5 ქულით მეათეა, ასეთივე მონაგარის მქონე ლელა ჯავახიშვილი (2489) კი მე-8 ადგილამდე დაქვეითდა. ლელამ თეთრი ფიგურებით ჩინელ ქსუე ჟაოსთან (2504) წააგო.

მე-7 ტურში, რომელიც 27 აპრილს შედგება, ბაციაშვილი ჯავახიშვილს შეხვდება, ძაგნიძე და ხოტენაშვილი კი შავებით ითამაშებენ, შესაბამისად, გირიასთან და ჟაოსთან. საინტერესოა, პირველ-მეორე ადგილებზე მყოფი ანა მუზიჩუკის და გუნინას პარტიაც.

მსოფლიოს ქალთა გრან პრის III ეტაპი. ბათუმი (საქართველო), 19 აპრილი-3 მაისი

VI ტური

ალექსანდრა კოსტენიუკი (რუსეთი, 2557) – ელინა დანიელიანი (სომხეთი, 2445) 1:0

მარია მუზიჩუკი (უკრაინა, 2561) – ოლგა გირია (რუსეთი, 2442) 1:0

ნანა ძაგნიძე (საქართველო, 2535) – ნინო ბაციაშვილი (საქართველო, 2476) 1:0

ლელა ჯავახიშვილი (საქართველო, 2489) – ქსუე ჟაო (ჩინეთი, 2504) 0:1

ბელა ხოტენაშვილი (საქართველო, 2493) – ვალენტინა გუნინა (რუსეთი, 2497) 0:5:0.5

ანა მუზიჩუკი (უკრაინა, 2555) – ალმირა სკრიპჩენკო (საფრანგეთი, 2453) 1:0

სატურნირო მდგომარეობა

4.0 – ა.მუზიჩუკი

3.5 – გუნინა, ძაგნიძე, ჟაო, კოსტენიუკი, სკრიპჩენკო

3.0 – გირია

2.5 – ჯავახიშვილი, მ.მუზიჩუკი, ბაციაშვილი

2 – დანიელიანი, ხოტენაშვილი

VII ტური, 27 აპრილი

სკრიპჩენკო – კოსტენიუკი

გუნინა – ა.მუზიჩუკი

ჟაო – ხოტენაშვილი

ბაციაშვილი – ჯავახიშვილი

გირია – ძაგნიძე

დანიელიანი – მ.მუზიჩუკი