ფეხბურთი

23:24 | 6.02.2016 | ნანახია [] - ჯერ

რანიერი: “ახლა ძალიან, ძალიან თავდაჯერებულები ვართ”

“ლესტერის” მთავარმა მწვრთნელმა კლაუდიო რანიერიმ “მანჩესტერ სიტისთან” მოგებული (3:1) მატჩი შემდეგ განაცხადა, რომ ეს პრემიერლიგის მიმდინარე სეზონი გიჟურია. იტალიელი სპეციალისტის თქმით, ლონდონის “არსენალთან” მომდევნო ტურში სათამაშოდ მისი გუნდი მზადაა.

“ეს გიჟური, გიჟური პრემიერლიგაა. ჩემმა ფეხბურთელებმა კარგად ითამაშეს. არასდროს გვეშინია და “ეტიჰადზე” მოგება გვინდოდა. სწრაფი გოლი გავიტანეთ და ადვილი არ იყო ამის შემდეგ სწორი კონცენტრირება, თუმცა ჩვენ ეს შევძელით, რადგან “სიტის” პატივს ვცემდით. ბევრი ენერგია დავხარჯეთ და ახლა რეაბილიტაციის დროა. ჩვენ ვითამაშებთ ყველა მატჩს ისე, როგორც წინა შეხვედრაში იყო. ახლა, ძალიან, ძალიან თავდაჯერებულები ვართ და მნიშვნელოვანია “არსენალზე” ვიფიქროთ, ჩვენ ლონდონელებთან საბრძოლველად მზად ვართ.” – განუცხადა BT Sport-ს რანიერიმ.

“ლესტერმა” “სიტის” სტუმრად დამარცხების შემდეგ 53 ქულა დააგროვა და ერთ-ერთ კონკურენტს 6 ქულით გაასწრო. მომდევნო ტურში “მელიები” სტუმრად “არსენალს” 14 თებერვალს დაუპირისპირდებიან.

0.116098