29 წლის მცველი ზურაბ ცისკარიძე ჩეხეთის “ტეპლიცეში” გადავიდა. “ტეპლიცე” ჩეხეთის უმაღლეს ლიგაში მეთორმეტე ადგილზეა. ზურაბმა 1,5-წლიანი კონტრაქტი გააფორმა.
ცისკარიძეს აშშ-ის მოქალაქეობა აქვს, ბოლოს “სან-ანტონიო სკორპიონსში” გამოდიოდა და შეუძლია როგორც ცენტრალურ მცველად, ასევე მარცხენა მცველად და საყრდენ ნახევარმცველად თამაში.
ცისკარიძე შარშან სუპერგოლით გამოირჩა, როცა 65 მეტრიდან გაიტანა. დაახლოებით ასეთივე გოლი ადრე შვედეთის ჩემპიონატშიც გაუტანია.