სტარტი აიღო საქართველოს ჩემპიონატმა სენიორ მოჭადრაკეთა შორის. ქვეყნის პირველობის გამარჯვებული მონაწილეები, როგორც კაცთა, ასევე ქალთა შორის, დაჯილდოვდებიან ნოემბერში, ჩეხეთში გასამართი მსოფლიოს ჩემპიონატის საგზურით.
კაცთა ტურნირის უდავო ფავორიტი გიორგი ბაღათუროვია (2412), რომელიც რეიტინგით დანარჩენებს საგრძნობლად უსწრებს და პირველ ტურში გამარჯვებაც იზეიმა. საინტერესოა ისიც, რომ საწყის დღეს 17 პარტიიდან ფრედ არ დასრულებულა.
