საქართველოს ფეხბურთის ფედერაციის პრეზიდენტობის კანდიდატ რევაზ არველაძის საარჩევნო პროგრამის წარდგენისას სიტყვით გამოვიდა შოთა არველაძე.
“რატომ უნდა იყოს რეზი ფედერაციის პრეზიდენტი? იმიტომ, რომ ყველას ჯობია. იმიტომ, რომ ყველაზე მეტი გამოცდილება აქვს” – განაცხადა შოთა არველაძემ.
“რეზიმ ზუსტად იცის რისი მეთაური ხდება. მას კარგად ესმის პასუხისმგებლობის სიმძიმე და სირთულე, რაც ძალიან მნიშვნელოვანია. გვაწუხებენ აქედან და იქიდან, მაგრამ ალბათ ნებისმიერ უნამუსო საქციელზე შეიტყობს საზოგადოება” – აღნიშნა შოთამ.
შეგახსენებთ, რევაზ არველაძემ საპრეზიდენტო პროგრამის პრეზენტაცია დღეს სასტუმრო “რედისონში” მოაწყო.
