იტალიის სერია A-ს 2015-2016 წლების სეზონის კალენდარი ცნობილია. კალჩოს პირველი ტური 22 აგვისტოს გაიმართება. მოქმედი ჩემპიონი ტურინის "იუვენტუსი" ახალ სეზონს საკუთარ მოედანზე "უდინეზესთან" მატჩით გახსნის. "მილანი" ფლორენციაში "ფიორენტინას" ეწვევა, ხოლო "ინტერი" "სან სიროზე" ბერგამოს "ატალანტას" დაუხვდება. რაც შეეხება ვიცე-ჩემპიონ "რომას", დედაქალაქელები ვერონაში ადგილობრივ "ჰელასს" ესტუმრებიან.

უკვე მეორე ტურში "რომა" "იუვეს" მასპინძელი იქნება, ხოლო მესამე ტურში დერბი "დელა მადონინა" გაიმართება, "ინტერი" - "მილანი". რომაული დერბის ხილვა გულშემატკივრებს მე-12 ტურში შეეძლებათ, ხოლო ტურინულის ერთი ტურით ადრე. ასევე მე-13 ტურშია დაგეგმილი "იუვენტუსი" - "მილანის" მატჩიც. დიდი იტალიური დერბი კი მერვე ტურში გაიმართება.

იტალიის ჩემპიონტის ბოლო, 38-ე ტური მომავალი წლის 15 მაისს ჩატარდება.