ბრიტანელი მაყურებლისთვის გასაკვირად და გულდასაწყვეტად, ბრიტანული დიდი პრიზის პირველ ორ თავისუფალ პრაქტიკაზე, საუკეთესო დროები ნიკო როსბერგს ჰქონდა. მისი თანაგუნდელი და ჩემპიონატის ლიდერი ლუის ჰამილტონი კი არასაკმარის სიჩქარეს უჩიოდა. განსაკუთრებით უკმაყოფილო ის მეორე პრაქტიკის შემდეგ იყო, რომელზეც „ფერარის“ ორივე პილოტმა აჯობა.
აღსანიშნავია, რომ პირველ პრაქტიკაზე როსბერგმა, ვისაც ბოლო ოთხი რბოლიდან სამი აქვს მოგებული, მხოლოდ ხუთი წრის გავლა მოასწრო, როცა მის მანქანაზე გადაცემათა კოლოფი გამოვიდა მწყობრიდა. კოლოფი შესაცვლელი გახდა, რადგან ჰიდრავლიკური სისტემა დაუზიანდა. საბოლოოდ, მან მხოლოდ 12 წრის გავლა მოასწრო, თუმცა მსოფლიოს ორგზის ჩემპიონს, რომელმაც 26 წრის გავლა მოახერხა, მაინც 0.07 წამი მოუგო.
„მანქანა საერთო ჯამში კარგია, მაგრამ ამაზე სწრაფად წრის გავლას ვერ ვახერხებ“, - განაცხადა ჰამილტონმა, რომელიც პირველ პრაქტიკაზე, მოსახვევ სტოუში დატრიალდა. მისმა მექანიკოსებმა მანქანის რეგულირების რამდენიმე ვარიანტი სცადეს, მაგრამ ამაოდ.
კარგად იასპარეზა კიმი რაიკონენმა, რომელმაც თავის იუბილარ თანაგუნდელ სებასტიან ფეტელს (28 წლის გახდა) ორივე სესიაზე აჯობა. ძირეულად განხლებული ავტომობილით იასპარეზეს „ფორს ინდიას“ პილოტებმა. ასევე განახლებული მანქანით გამოვიდნენ „მაკლარენის“ პილოტები, თუმცა ინდური გუნდისგან განსხვავებით, მათ შედეგებზე ეს დადებითად ჯერ არ აისახა. კითხვაზე, გაივლიდა თუ არა კიდევ ერთ წრეს, ჯენსონ ბატონმა უპასუხა: „არა, მანქანას სტაბილურობა აკლია, ის მუდმივად ხტუნაობს“.
პირველ პრაქტიკაზე, „უილიამსის“ ბოლიდით სუზი ვოლფმა იასპარეზა, რომელმაც სესია მე-13 დროით დაასრულა.
ბრიტანეთის დიდი პრიზი
პირველი თავისუფალი პრაქტიკა
- ნიკო როსბერგი (გერმანია, მერსედესი) 1:34.274
- ლუის ჰამილტონი (ბრიტანეთი, მერსედესი) 1:34.344
- მაქს ფერსტაპენი (ჰოლანდია, ტორო როსო) 1:35.530
- კიმი რაიკონენი (ფინეთი, ფერარი) 1:35.588
- კარლოს საინს უმცროსი (ესპანეთი, ტორო როსო) 1:35.669
- სებასტიან ფეტელი (გერმანია, ფერარი) 1:35.739
- დანიელ რიკარდო (ავსტრალია, რედ ბული) 1:35.818
- დანილ კვიატი (რუსეთი, რედ ბული) 1:35.876
- ნიკო ჰულკენბერგი (გერმანია, ფორს ინდია) 1:36.157
- ფელიპე მასა (ბრაზილია, უილიამსი) 1:36.469
- ფელიპე ნასრი (ბრაზილია, ზაუბერი) 1:36.855
- სერხიო პერესი (მექსიკა, ფორს ინდია) 1:36.889
13. სუზი ვოლფი (ბრიტანეთი, უილიამსი) 1:37.242 - ჯოლიონ პალმერი (ბრიტანეთი, ლოტუსი) 1:37.262
- რაფაელე მარჩელო (იტალია, ზაუბერი) 1:37.372
- პასტორ მალდონადო (ვენესუელა, ლოტუსი) 1:38.080
- ფერნანდო ალონსო (ესპანეთი, მაკლარენი) 1:38.222
- ჯენსონ ბატონი (ბრიტანეთი, მაკლარენი) 1:38.860
- უილ სტივენსი (ბრიტანეთი, მენორი) 1:38.981
- რობერტო მერი (ესპანეთი, მენორი) 1:40.477
მეორე თავისუფალი პრაქტიკა
- ნიკო როსბერგი (გერმანია, მერსედესი) 1:34.155
- კიმი რაიკონენი (ფინეთი, ფერარი) 1:34.502
- სებასტიან ფეტელი (გერმანია, ფერარი) 1:34.552
- ლუის ჰამილტონი (ბრიტანეთი, მერსედესი) 1:34.621
- დანილ კვიატი (რუსეთი, რედ ბული) 1:35.009
- დანიელ რიკარდო (ავსტრალია, რედ ბული) 1:35.153
- მაქს ფერსტაპენი (ჰოლანდია, ტორო როსო) 1:35.300
- ნიკო ჰულკენბერგი (გერმანია, ფორს ინდია) 1:35.387
- კარლოს საინს უმცროსი (ესპანეთი, ტორო როსო) 1:35.866
- ფელიპე მასა (ბრაზილია, უილიამსი) 1:36.147
- პასტორ მალდონადო (ვენესუელა, ლოტუსი) 1:36.164
- ვალტერი ბოტასი (ფინეთი, უილიამსი) 1:36.183
- სერხიო პერესი (მექსიკა, ფორს ინდია) 1:36.351
- რომენ გროჟანი (საფრანგეთი, ლოტუსი) 1:36.728
- ფერნანდო ალონსო (ესპანეთი, მაკლარენი) 1:36.731
- ფელიპე ნასრი (ბრაზილია, ზაუბერი) 1:36.822
- ჯენსონ ბატონი (ბრიტანეთი, მაკლარენი) 1:37.196
- მარკუს ერიქსონი (შვედეთი, ზაუბერი) 1:37.327
- უილ სტივენსი (ბრიტანეთი, მენორი) 1:38.279
- რობერტო მერი (ესპანეთი, მენორი) 1:39.878
