საქართველოს 18-წლამდე ასაკის მორაგბეთა ნაკრები 4 აპრილს, ევროპის ჩემპიონატის ფინალში, საფრანგეთის ნაკრებს დაუპირისპირდება. საფრანგეთიდან ამ მატჩის პირდაპირი ტელერეპორტაჟის ხილვას ქართველი გულშემატკივარი საზოგადოებრივი მაუწყებლის პირველ არხზე შეძლებს.
"მაყურებლის დიდი ინტერესის გათვალისწინებით, საქართველოს 18-წლამდე მორაგბეთა ნაკრების ევროპის ჩემპიონატის ფინალში გადასვლისთანავე, საზოგადოებრივმა მაუწყებელმა მოლაპარაკებები დაიწყო საფრანგეთის მხარესთან პირდაპირი ტრანსლაციის საკითხებთან დაკავშირებით. შეთანხმება უკვე მიღწეულია, ამჟამად მიმდინარეობს ტექნიკური დეტალების დაზუსტება. 4 აპრილს 19:00 საათზე პირველი არხის ეთერში განხორციელდება პირდაპირი ტრანსლაცია საფრანგეთიდან. საზოგადოებრივი მაუწყებელი წარმატებას უსურვებს ჩვენს მორაგბეებს!" - აღნიშნულია საზოგადოებრივი მაუწყებლის განცხადებაში.
