საქართველოს უმაღლესი ლიგის გუნდმა ქუთაისის "ტორპედომ" თურქულ შეკრებაზე მორიგი ტესტ-მატჩი უნგრულ "დებრეცენთან" გამართა და გამარჯვებამდე ცოტა დააკლდა. შეხვედრაში ანგარიში უნგრელებმა მე-10 წუთზე გახსნეს. 27-ე წუთზე ოთარ კვერნაძემ ანგარიში გაათანაბრა, ხოლო 58-ზე თენგიზ ჩიკვილაძემ ქუთაისელები დააწინაურა. მატჩის დასრულებამდე კი ლაზარ პალიმ შეხვედრის საბოლოო ანგარიში 2:2 დააფიქსირა.