“მაიამი ჰითის” მცველი დუეინ უეიდი და “დალას მავერიქსის” ფორვარდი დირკ ნოვიცკი ეროვნული საკალათბურთო ასოციაციის (NBA) აღმოსავლეთ და დასავლეთ კონფერენციების გასული კვირის საუკეთესო მოთამაშეებად დასახელდნენ.
მაიამელებმა კვირის სამივე მატჩი მოიგეს – მათ შორის “ლეიკერსთან” და “ატლანტასთან” – უეიდის საშუალო მონაგარი კი 33.3 ქულა და 12 პასი გახლდათ.
4 მარტს დუეინი ფლორიდელთა პირველი კალათბურთელი გახდა, რომელმაც თამაშიდან 4000 ტყორცნის ჩაგდება მოახერხა.
ასპროცენტიანი შედეგი ჰქონდა “მავერიქსსაც”, რომელმაც ოთხივე შეხვედრაში იმარჯვა, ნოვიცკი კი საშუალოდ 26.8 ქულას, 8.8 მოხსნასა და 1.75 დაფარებას აგროვებდა.
კვირის საუკეთესო მოთამაშის წოდებაზე პრეტენზიას რეჯონ რონდო (“ბოსტონი”), ტაირუს ტომასი (“შარლოტი”), ლებრონ ჯეიმსი (“კლივლენდი”), კარმელო ენტონი (“დენვერი”), ლუის სკოლა (“ჰიუსტონი”), კარლოს დელფინო (“მილუოკი”), კევინ დიურანტი (“ოკლაჰომა სიტი”), ჯამირ ნელსონი (“ორლანდო”) და ამარე სტაუდმაიერი (“ფინიქსი”).