ქალთა საჩოგბურთო ასოციაციის (WTA) განახლებულ რეიტინგში საქართველოს პირველი ჩოგნის სტატუსი ოქსანა კალაშნიკოვამ შეინარჩუნა, თუმცა, ანა ტატიშვილს მისგან მხოლოდ ოთხი პოზიციაღა აშორებს.
შეგახსენებთ, რომ გასულ კვირაში კალაშნიკოვამ სარეიტინგო ქულები მინსკის 25-ათასიან ტურნირზე გამოიმუშავა, ტატიშვილმა კი მონტერეის 220-ათასიან ტურნირის ძირითადი ბადეში გაღწევით იხეირა. ქართველებს აღნიშნული ქულები მომდევნო კვირაშე დაემატებათ, მანამდე კი, ოქსანა 352 ქულით 164-ე ადგილზეა, ანას კი ათი ქულით ნაკლები აქვს და 168-ე პოზიციაზე გახლავთ.
სულ კლასიფიკაციაში ათი ქართველი გოგონა იმყოფება, თუმცა, სერიოზული ცვლილება არცერთ მათგანს არ შეხებია.
164 (163). ოქსანა კალაშნიკოვა – 352; 168 (172). ანა ტატიშვილი – 342; 213 (214). მაკა ჩახნაშვილი – 252; 351 (349). სოფო შაფათავა – 109; 432 (433). სოფო ქვაცაბაია – 77; 469 (468). მანანა შაფაქიძე – 66; 481 (479). თათია მიქაძე – 63; 553 (553). ეკატერინე გორგოძე – 48; 1026 (1026). მაგდა ოქრუაშვილი – 6; 1078 (1078). ანა ჯიქია – 4;
მიმდინარე კვირაში კალაშნიკოვამ დასვენება გადაწყვიტა, ტატიშვილი კი ფლორიდულ ქალაქ კლერვოტერს ესტუმრა და 25-ათასიანი ტურნირის ძირითად ბადეში იასპარეზებს.
საფრანგეთის ქალაქ დიჟონის 10-ათასიან ტურნირში სცდიან ძალებს ეკატერინე გორგოძე და სოფო ქვაცაბაია. ძირითადი ბადის საწყის რაუნდში გორგოძე მე-8 ნომრად განთესილ ბრიტანელ ანა სმიტს ეთამაშება, ქვაცაბაია კი – რუმინელ ლაურა-იოანა ანდრეის. წყვილთა ტურნირის მერვედფინალში გორგოძე და ქვაცაბაია ფრანგებს – გუისარსა და ლორენდონს გაეჯიბრებიან.
თურქეთის კორორტ ანთალიაში მიმდინარე 10-ათასიან ტურნირზე გამოჩნდა აქამდე უცნობი ქართველი ჩოგბურთელი ლანა როსტიაშვილი. იგი კვალიფიკაციის პირველ რაუნდში თურქეთის სახელით მოთამაშე მილენა ზუბკოვას გადაეყარა და 0:6, 1:6 დამარცხდა.
ესპანურ საბადელში 10-ათასიან ტურნირს მალევე გამოეთიშა ნიკა დოლიძე. ქართველმა ჩოგბურთელმა კვალიფიკაციის საწყის მატჩში იტალიელ მარკო ბორტოლოტისთან 2:6, 2:6 წააგო.
პროფესიონალ ჩოგბურთელთა ასოციაციის (ATP) რეიტინგში დოლიძე საერთოდ ვერ ხვდება, ხუთი ჩვენებური კლასიფიკაციაში სიმბოლურად ირიცხება, საუკეთესო შედეგი კი ნიკოლოზ ბასილაშვილს აქვს, რომელიც 55 ქულით 506-ეა.
506 (507). ნიკოლოზ ბასილაშვილი – 55; 1076 (1076). ლაზარე კუხალაშვილი – 6; 1481 (1484). გიორგი ცივაძე – 1; 1576 (1580). სოზარ გოქაძე – 1; 1576 (1580). ნოდარ ითონიშვილი – 1. 1576 (1580). გიორგი რევაზიშვილი – 1.