თავისუფლები დუშეთში შეიკრიბებიან

6.03.2010 00:31

საქართველოს თავისუფალი სტილით მოჭიდავეთა ნაკრები ევროპის ჩემპიონატისთვის სამზადისს დუშეთის შეკრებით აგრძელებს. 9 თებერვალს, ნაკრების მთავარი მწვრთნელი ზაზა თურმანიძე გაფართოებულ შემადგენლობას შემოიკრებს, ორკვირიანი წვრთნის გასავლელად. შემდეგ კი წინასაევროპო გეგმაში 2 შეკრება და ერთადერთი ტურნირი დარჩება, რომელშიც მონაწილეობას მხოლოდ მძიმეწონოსანი მოჭიდავეები მიიღებენ.
“დუშეთში პირველად მივდივართ სავარჯიშოდ. ბაზა და სპორტული კომპლექსი უკვე დავათვალიერე და კმაყოფილი დავრჩი. ერთი შეხედვით, ბრწყინვალე პირობებია სრულყოფილად მოსამზადებლად. არ გამოვრიცხავ, მორიგი შეკრებებიც დუშეთში გავიაროთ. ამჯერად სიაში 38 სპორტსმენია შეყვანილი” – უთხრა “მსოფლიო სპორტს” თურმანიძემ.
ნაკრების მწვრთნელისვე სიტყვებით, უკვე დაზუსტდა საქართველოს აბსოლუტური ჩემპიონატის ჩატარების თარიღი. მძიმე წონის შიდა კონკურენციის ლიდერი 24 მარტს, თბილისში გამოიკვეთება.
13-18 აპრილს, ბაქოში ჩასატარებელ ევროპის ჩემპიონატზე წამსვლელი ქართული შვიდეული კი დასკვნით სანაკრებო შეკრებაზე გამოცხადდება.

ოთარ მაღლაკელიძე

კომენტარები არ არის

კომენტარის გასაკეთებლად გაიარე ავტორიზაცია. თუ არ ხარ რეგისტრირებული — დარეგისტრირდი.

ანონსი

გულშემატკივრის სვეტი

ჩვენ ისევ გვჯერა!

სულ მალე, საქართველოს საფეხბურთო ეროვნული ნაკრები მორიგ შესარჩევ ეტაპში ჩაებმება. ამჯერად, ოპტიმისტი ქართველი ქომაგი უკრაინისა და პოლონეთის სტადიონებზე ჩვენი გუნდის ხილვის ოცნებით აღივსება და ეს უკვე მერამდენედ ვირწმუნებთ, რომ ჩვენი გუნდი არც ისეთი ცუდია, როგორც აქამდე ჩატარებული მატჩებით გამოჩნდა და არც ისეთი უნიათო ხალხი ვართ, როგორც ამას ჩვენი პესიმისტი თანამემამულეები გაიძახიან ყოველი შესარჩევი ეტაპის წინ. როგორც ამასწინათ ერთმა ზესტაფონელმა ტაქსისტმა მითხრა: “მაი ქეცბაია რომაა ჩვენი “ტრეინერი”, იმიტომ ვართ ასთე იმედიანად, თვარა, რავარი ბედოვლათებიც ვართ, ეგი ხომ ისედაც გასაგებიაო”.

ინტერვიუ

სტატია

ერთი დღე მსოფლიო სპორტში

6 სექტემბერი
1913. დაიბადა ლეონიდასი (ლეონიდას და სილვა). ბრაზილიელი ფორვარდი. 1938 წლის მსოფლიოს ჩემპიონატის ბრინჯაოს მედლის მფლობელი. გახდა ტურნირის საუკეთესო ბომბარდირი. 1934 წლის მუნდიალის მონაწილე. ბრაზილიის ნაკრების 19 მატჩში გაიტანა 21 გოლი. 1938 წელს არაოფიციალურად მსოფლიოს საუკეთესო ფეხბურთელად დაასახელეს. საკლუბო დონეზე გამოდიოდა მონტევიდეოს “პენიაროლში” (1933), ”ვასკო და გამაში” (1934), ”ბოტაფოგოში” (1935-36), ”ფლამენგოსა” (1936-41) და “სან პაულუში” (1942-51). 1934, 1935 და 1936 წლებში გახდა კარიოკას ლიგის ჩემპიონი. 1943, 1945, 1946, 1948 და 1949 წლებში გახდა პაულისტას ლიგის ჩემპიონი.

«მსოფლიო სპორტი» შეიძენს

ჭიდაობისა და ძიუდოს სტატისტიკას. ძველ ქართულ და რუსულენოვან წიგნებს სპორტის ამ სახეობების შესახებ.

ტელეფონი: 94-35-42; 858-10-65-38