კანადის ჰოკეისტთა ნაკრები ოლიმპიადების გამარჯვებული ისტორიაში მერვედ გახდა, რითაც საბჭოთა კავშირის გუნდს ერთი ოქროს მედლით გაუსწრო. კანადელებმა მორიგ წარმატებას მშობლიურ ვანკუვერში მიაღწიეს, სადაც აშშ-ს ეროვნული ნაკრების ძლევისთვის დამატებითი დროის თამაში დასჭირდათ.
“კანადა ჰოქი ფლეისში” გამართულ მატჩში მასპინძლები 2:0-ს იგებდნენ, თუმცა, ამერიკელებმა წონასწორობის აღდგენა და თამაშის ოვერტაიმში გადაყვანა მაინც მოახერხეს. აღსანიშნავია, რომ პარიზემ მე-2 გოლის გატანა საფინალო სირენამდე 25 წამით ადრე მოახერხა.
დამატებითი დროის დაწყებიდან შვიდი წუთისა და ორმოცი წამის თავზე ოქროს მედლების მომტანი შაიბა სინდი კროსბიმ შეაგდო და კანადელებს 3:2 მოაგებინა.
ამ წარმატების წყალობით, მედლების საერთო ჩათვლაში კანადელებს 14 ოქრო მოუგროვდათ, რისი წყალობითაც საბჭოთა კავშირის მიერ დამყარებულ რეკორდს ერთი უმაღლესი ჯილდოთი გადაასწრეს. საბჭოელებმა 13 ოქროს მედალი 1974 წელს ავსტრიულ ინსბრუკში ჩატარებულ ოლიმპიადაზე “მოკრიფეს”.
ჰოკეი. კაცები
მე-3 ადგილისთვის
ფინეთი – სლოვაკეთი 5:3 (1:0, 0:3, 4:0)
1:0 სალო (18:50), 1:1 გაბორიკი (29:56), 1:2 ჰოსა (35:38), 1:3 დემიტრა (38:45), 2:3 ჰაგმანი (45:06), 3:3 იოკინენი (46:41), 4:3 იოკინენი (48:41), 5:3 ფილპუა (59:49).
ფინალი
კანადა – აშშ 3:2 (1:0, 1:1, 0:1, 1:0)
1:0 ტეივზი (12:50), 2:0 პერი (27:13), 2:1 კესლერი (32:44), 2:2 პარიზე (59:35), 3:2 კროსბი (67:40)
მედლების საბოლოო ჩათვლა
1. კანადა 14 7 5 26
2. გერმანია 10 13 7 30
3. აშშ 9 15 13 37
4. ნორვეგია 9 8 6 23
5. ს.კორეა 6 6 2 14
6. შვეიცარია 6 0 3 9
7. ჩინეთი 5 2 4 11
8. შვედეთი 5 2 4 11
9. ავსტრია 4 6 6 16
10. ჰოლანდია 4 1 3 8
11. რუსეთი 3 5 7 15
12. საფრანგეთი 2 3 6 11
13. ავსტრალია 2 1 0 3
14. ჩეხეთი 2 0 4 6
15. პოლონეთი 1 3 2 6
16. იტალია 1 1 3 5
17. ბელორუსი 1 1 1 3
18. სლოვაკეთი 1 1 1 3
19. დიდი ბრიტანეთი 1 0 0 1
20. იაპონია 0 3 2 5
21. სლოვენია 0 2 1 3
22. ხორვატია 0 2 1 3
23. ლატვია 0 2 0 2
24. ფინეთი 0 1 4 5
25. ყაზახეთი 0 1 0 1
26. ესტონეთი 0 1 0 1