თბილი შეხვედრა, უფრო თბილი საუბარი, აზრთა გაზიარება და პრიზებით დასაჩუქრება - „მსოფლიო სპორტის“ რედაქციას საათნახევრის განმავლობაში worldsport.ge-ს გამოკითხვაში გამარჯვებული ფორუმელები სტუმრობდნენ და ამ სტუმრობით, ერთმანეთის ახლოს გაცნობით ორივე მხარე კმაყოფილი დარჩა. 

მარკოიშვილი – 22, შერმადინი – 10, “კანტუმ” მაინც წააგო
მანუჩარ მარკოიშვილისა და გიორგი შერმადინის ჩინებული თამაშის მიუხედავად, იტალიის ჩემპიონატში მოულოდნელი მარცხი განიცადა “ბენეტ კანტუმ”. კანტუელები მორიგ მატჩში “უმანა ვენეციას” დაუხვდნენ და პირველი ტაიმის შემდეგ 48:37 დაწინაურდნენ, საბოლოოდ კი, 73:78 წააგეს.

წლევანდელი “ექვსი ერის” ერთ-ერთმა ფავორიტმა - საფრანგეთის ნაკრებმა გათამაშება იტალიელებთან შთამბეჭდავი გამარჯვებით - 30:12 - დაიწყო, თუმცა, ეს ანგარიში სულაც არ ასახავს იმ რეალობას, რაც მოედანზე ხდებოდა.

საქართველოს ბერძნულ-რომაული სტილით მოჭიდავეთა ნაკრები სოფიაში მიმდინარე დან კოლოვისა და ნიკოლა პეტროვის სახელობის ტრადიციულ საერთაშორისო ტურნირზე წარმატებით გამოდის.

ქართული ძიუდოს რეალობიდან გამომდინარე, პარიზის დიდ სლემზე საქართველოს ნაკრებისგან წარმატებულ გამოსვლას მარტო ზედმეტად ოპტიმისტები ელოდნენ. მოხდა ის, რაც უნდა მომხდარიყო. თითქმის ოპტიმალური შემადგენლობით წარმოდგენილი ქართული გუნდი ერთადერთ ბრინჯაოს დასჯერდა.

ქართველმა ჩოგბურთელმა სოფო ქვაცაბაიამ წლეულს უკვე მესამე ტურნირი მოიგო. ამჯერად, ქვაცაბაიამ ესპანეთში იყოჩაღა, სადაც მალიორკას 10-ათასიან ტურნირზე ხუთ შეხვედრაში ისე იმარჯვა, სეტიც კი არ დაუთმია.

ქართველი მოჭადრაკე ნინო ბაციაშვილი (2426) მოსკოვში დასრულებული საერთაშორისო ტურნირის გამარჯვებული გახდა. სტდენტ გოგონათა პირველობის 9 ტურში ბაციაშვილმა 7.0 ქულა მოაგროვა და უახლოეს კონკურენტ ბელორუს ნასტასია ზიაზულკინას (2290) 0.5 ქულით გაუსწრო.

„მაკლარენის“ ტექნიკური შტაბი დარწმუნებულია, რომ ჩასაბერი დიფუზორის აკრძალვით გამოწვეულ აეროდინამიკურ დანაკარგებს აღიდგენენ და მათი მანქანა კვლავ კონკურენტუნარიანი იქნება. ახალი წესებით, გუნდებს გამოსაბოლქვის ფორმები და განლაგება რეგლამენტირებული აქვთ. კერძოდ, გამოსაბოლქვი მილი უნდა იყოს ოვალური და ის მანქანის ძირისადმი გარკვეული კუთხით, ზევით უნდა „იყურებოდეს“.

სპორტისა და ახალგაზრდობის საქმეთა მინისტრი ლადო ვარძელაშვილი სამინისტროში საქართველოს რეგიონებში სპორტზე პასუხისმგებელ პირებსა და სხვადასხვა სპორტსკოლების ხელმძღვანელებს შეხვდა. შეხვედრაზე მინისტრმა რეგიონების წარმომადგენლებისათვის ქართული სპორტის შესახებ პრეზენტაცია წარმოადგინა.

ცნობილი მოკრივე, ოსკარ დე ლა ჰოია, არც ისე დიდი დროა, რაც საავადმყოფოდან გამოწერეს. სპეციალურ საავადმყოფოში ოსკარი ნარკომანიის მავნე ჩვევას მკურნალობდა და როგორც თავად აცხადებს, ნარკომანიაც და ალკოჰოლიზმიც მის წარსულში დარჩა და წარსულ ცხოვრებას აღარასოდეს დაუბრუნდება.