დღეს მოსკოვში მიმდინარე სეზონის უმთავრესი საჭიდაო კვირეული იხსნება - რუსეთის დედაქალაქი მსოფლიოს ჩემპიონატს მასპინძლობს. 6-12 სექტემბერს გასამართი ჩემპიონატის პირველი-სამი დღე ბერძენ-რომაელებისაა. კლასიკოსები ჩემპიონ-პრიზიორებს დღეიდან ოთხშაბათის ჩათვლით გამოავლენენ.

1968 წლის მეხიკოს ოლიმპიური თამაშების ჩემპიონი, ბერძნულ-რომაული სტილით მოჭიდავე რომან რურუა ჭიდაობის საერთაშორისო ფედერაციამ სპეციალური პრიზით დააჯილდოვა.

ჩარგალში ჩატარებული ქართული ჭიდაობის ტურნირი ახმეტის სახელით მოჭიდავე ზვიად გოგოჭურის ჩემპიონობით დაგვირგვინდა. ვაჟაობის დღესასწაულისადმი მიძღვნილი შეჯიბრის ფინალში გოგოჭურმა გორელ პაატა ღვინიაშვილს სძლია და პირველი ადგილისთვის დაწესებული 400 ლარი მიიღო, ღვინიაშვილს 200 ლარი ერგო, ხოლო მესამეადგილოსან გიორგი ბაინდურაშვილს – 100.
 

გუშინ, საქართველოს ბერძნულ-რომაული სტილით მოჭიდავეთა ნაკრები რუსეთში გაემგზავრა. 6-8 სექტემბერს ბეგი დარჩიას შვიდეული მოსკოვში, მიმდინარე სეზონის უმთავრეს შეჯიბრში – მსოფლიოს ჩემპიონატში მიიღებს მონაწილეობას. 10-12 სექტემბერს კი ხალიჩაზე უკვე თავისუფალი სტილის მიმდევრები გავლენ. ზაზა თურმანიძე შეგირდებითურთ ჯერ საქართველოშია და დასკვნით შეკრებას დღედღეზე დაასრულებს.

ჩერნოგორიის ქალაქ ბუდვაში ჩატარებული პლაჟის ჭიდაობის მსოფლიოს ჩემპიონატი ქართველი მოჭიდავეებისთვის უშედეგო გამოდგა. გასულ უქმეებზე ჩატარებული ტურნირის შედეგები ჭიდაობის საერთაშორისო ფედერაციის ვებ-გვერდს ჯერაც არ გამოუქვეყნებია, ჩემპიონატის ოფიციალური ვებ-გვერდი ხომ საერთოდ არ არსებობს და სათაურში მოყვანილი მშრალი და არც თუ სასიამოვნო ინფორმაცია მხოლოდ საქართველოს ჭიდაობის ეროვნული ფედერაციიდან შევიტყვეთ

26-29 აგვისტოს, ჩერნოგორიის ქალაქ ბუდვაში გასამართ პლაჟის ჭიდაობის მსოფლიოს ჩემპიონატზე საქართველოს ნაკრები 2 მოჭიდავით გამოვა.

საქართველოს თავისუფალი და ბერძნულ-რომაული სტილით მოჭიდავეთა ნაკრებებს, მსოფლიოს ჩემპიონატამდე თითო შეკრებაღა დარჩათ გასავლელი. ზაზა თურმანიძის და ბეგი დარჩიას გუნდები, მოსამზადებელი ეტაპის დასკვნით ვარჯიშებს დუშეთის სპორტულ ბაზაზე ჩაატარებენ.

თანამედროვე ქართული ჭიდაობის ერთ-ერთი ყველაზე ტიტულოვანი წარმომადგენელი, მსოფლიოს 2-გზის და ევროპის 5-გზის ჩემპიონი თავისუფალი სტილით მოჭიდავე ლუკა კურტანიძე საქართველოს ჭიდაობის ეროვნულ ფედერაციას დისკრიმინაციაში ადანაშაულებს.

სინგაპურში მიმდინარე ახალგაზრდულ ოლიმპიურ თამაშებზე საქართველომ პირველი მედალი მოიპოვა. თავისუფალი სტილით მოჭიდავე ჭაბუკთა ნაკრების წევრმა ირაკლი მოსიძემ (63 კგ) ორიოდ კვირის წინ ჩატარებულ ევროპის ჩემპიონატზე მოგებულ ბრინჯაოს კიდევ ერთი ბრინჯაო მიამატა.

საქართველოს ბერძნულ-რომაული სტილით მოჭიდავე ჭაბუკთა ნაკრებმა სარაევოში 7-8 აგვისტოს გამართულ ევროპის ჩემპიონატზე 6 მედალი მოიპოვა.

საქართველოს ბერძნულ-რომაული სტილით მოჭიდავე ჭაბუკთა ნაკრებმა ევროპის ჩემპიონატი 2 ბრინჯაოს მედლით გახსნა. სულ კი, გუშინ სარაევოს ხალიჩაზე 5 ქართველი გავიდა. ჩემპიონ-პრიზიორები 42, 50, 58, 69 და 85 კილოგრამებში გამოვლინდნენ. ვაჟა კრავეიშვილის გაწვრთნილი გუნდიდან კვარცხლბეკზე ედნარ შავაძე (42 კგ) და რობერტ ქობლიაშვილი (85 კგ) ავიდნენ.
 

სარაევოში მიმდინარე ჭაბუკ მოჭიდავეთა ევროპის ჩემპიონატს 7-8 აგვისტოს ბერძნულ-რომაული სტილით მოჭიდავეები დააგვირგვინებენ.

საქართველოს თავისუფალი სტილით მოჭიდავე ჭაბუკთა  ნაკრებმა ბოსნიის ქალაქ სარაევოში მიმდინარე ევროპის ჩემპიონატზე 5 მედალი მოიპოვა.გუშინწინ მოგებულ  სამ ბრინჯაოს მედალს თამაზ ბენდიანიშვილის შეგირდებმა გუშინ თითო ვერცხლი და ბრინჯაო მიამატეს..

გუშინ ბოსნიის დედაქალაქ სარაევოში ჭაბუკ მოჭიდავეთა ევროპის ჩემპიონატი დაიწყო და 8 აგვისტომდე გაგრძელდება. პირველი-ორი დღე თავისუფალი სტილის მიმდევრებს ეთმობათ და 10 წონითი კატეგორიიდან 5-ში უკვე ჩემპიონ-პრიზიორებიც გამოვლინდნენ. კვარცხლბეკზე საქართველოს ნაკრების 3 წევრიც ავიდა.

თავისუფალი სტილით მოჭიდავეთა ახალგაზრდული ნაკრების წევრმა დავით ხუციშვილმა (74 კგ), ასაკობრივ ტურნირებზე გამოსვლა დაასრულა და ძირითად ნაკრებში დასამკვიდრებლად იწყებს ბრძოლას.

საქართველოს თავისუფალი სტილით მოჭიდავეთა ახალგაზრდული ნაკრების მთავარი მწვრთნელი ნუგზარ სხირელი სპორტის რაინდის წოდებით დაჯილდოვდა. სპორტისა და ახალგაზრდობის საქმეთა მინისტრმა ლადო ვარძელაშვილმა სხირელს ორდენი დღეს, ვაკის ფალავანთა კლუბში გამართულ პრესკონფერენციაზე გადასცა.

7-11 ოქტომბრისთვის თბილისში დაგეგმილი ჭაბუკ და ახალგაზრდა სამბისტთა მსოფლიოს ჩემპიონატის საორგანიზაციო საკითხების გადასამოწმებლად, სამბოს მსოფლიოს ფედერაციამ თბილისში სპეციალური წარმომადგენელი გამოაგზავნა.

ბერძნულ-რომაული სტილით მოჭიდავე ბადრი ხასაია (84 კგ) სპორტულ კარიერას ასრულებს. ამის შესახებ “მსოფლიო სპორტს” თავად სპორტსმენმა აუწყა. ევროპის 2002 წლის ჩემპიონი ამჟამად დუშეთშია, სანაკრებო შეკრებაზე, მაგრამ ნაკრების კანდიდატად აღარ განიხილება.

2 ოქრო, 1 ვერცხლი და 2 ბრინჯაო – ასეთია საქართველოს თავისუფალი სტილით მოჭიდავეთა ახალგაზრდული ნაკრების მონაგარი ამ უქმეებზე, უნგრეთში ჩატარებულ მსოფლიოს ჩემპიონატზე. ვლადიმერ ხინჩეგაშვილმა (55 კგ) და დავით ხუციშვილმა (74 კგ) სეზონის უმთავრესი შეჯიბრი წაუგებლად ჩაამთავრეს და ბუდაპეშტის საჭიდაო დარბაზში საქართველოს ჰიმნი ააჟღერეს.

საქართველოს თავისუფალი სტილით მოჭიდავეთა ახალგაზრდული ნაკრების წევრი ვლადიმერ ხინჩეგაშვილი (55 კგ) მსოფლიოს ჩემპიონი გახდა. ბუდაპეშტში დღეს დასრულებულ მსოფლიოს პირველობაზე მან 5 გამარჯვება მოიპოვა და რაც მთავარია, ფავორიტებს შორის მოხსენიებულ ყველა კონკურენტს უშუალოდ სძლია.