თბილისში ახლახანს დასრულებულ “შავი ზღვის თასის” გათამაშებაში, მე-3 ადგილისთვის ბრძოლაში უკრაინულმა “კრედო 63”-მა რუმინული “არადი” 17:12 კი დაამარცხა, მაგრამ სადისციპლინო კომისიამ ოდესელთა მხრიდან დებულების დარღვევა აღმოაჩინა და მესამე საპატიო ადგილი რუმინელებს გადაეცათ, უკრაინელები კი მეოთხეზე დაქვეითდნენ.

საფრანგეთის მორაგბეთა ელიტარულ დივიზიონ Top 14-ის V ტურში, ყველაზე ქართული გუნდი “მონპელიე”, ზედიზედ სამი მოგების შემდეგ, სტუმრად დავით ზირაქაშვილის “კლერმონთან” დამარცხდა. კლერმონელთა ამ წარმატებაში თავისი წვლილი საქართველოს ეროვნული ნაკრების პირველხაზელმა შეიტანა, რომელმაც მასპინძელთა პირველი ლელო გაიტანა.

ავსტრალიელმა ფულბეკმა კერტლი ბილმა, მსაჯის მიერ კომპენსირებულ დროში, ჯარიმა 55,6 მეტრიდან ძელებსშუა გააძვრინა და “კენგურუებს” 41:39 გაამარჯვებინა, რაც იმის მანიშნებელია, რომ 2010 წლის “სამი ერის” გათამაშებას ავსტრალია მე-2 საფეხურზე დაასრულებს, წინა წლის ჩემპიონი და მსოფლიოს თასის მფლობელი სამხრეთ აფრიკას კი, ამჯერად ნაბოლარას სტატუსი მიენიჭა.

თბილისის “ლოკომოტივი”, “შავი ზღვის თასზე” მეორე რუმინულ გუნდს დაუპირისპირდა და ეს მატჩი იმავე სცენარით წარიმართა, როგორც “რკინიგზელთა” ჯგუფური ეტაპის პირველი შეხვედრა, ოღონდ შებრუნებული ვარიანტით.

საერთაშორისო სარაგბო საკლუბო ტურნირის, “შავი ზღვის თასის” პირველი გათამაშება, რომელსაც თბილისის “მიხეილ მესხის” სახელობის სტადიონი მასპინძლობს, დასასრულს უახლოვდება. დღეს ექვსგუნდა გათამაშების ბოლოსწინა და მე-3 ადგილოსანი გუნდები გამოვლინდებიან, ხვალ კი, ფინალის ჯერი დადგება და ახალ თასსაც პირველი პატრონი გამოუჩნდება.

სამი ერის 2010 წლის თასის გამარჯვებულის ვინაობა ეჭვქვეშ აღარ დგას, ამდენად, ხვალ სამხრეთ აფრიკისა და ავსტრალიის სარაგბო ნაკრებები იმას გაარკვევენ, ტურნირში მეორე ადგილს ვინ დაიკავებს, ამას გარდა კი, გუნდები “მანდელას სინსაც” გაითამაშებენ.
 

“შავი ზღვის თასი” საქართველოში დარჩება და მის მოსაპოვებლად საქართველოს ჩემპიონი თბილისის “ლელო” და ვერცხლის პრიზიორი “ბათუმი XV” იბრძოლებენ. გასული ჩემპიონატის ფინალის განმეორება ამჯერად საერთაშორისო ტურნირის გადამწყვეტ მატჩში შედგება, მაგრამ რადგან კლუბები გაძლიერებული შემადგენლობებით გამოდიან, მოედანზე ერთბაშად 50 საუკეთესო ქართველი მორაგბე გავა და კლუბის სახელებს პირობითი დატვირთვა ექნება.

საქართველოს რაგბის კავშირის ხელმძღვანელობამ, სპორტისა და ახალგაზრდობის საქმეთა მინისტრი ლადო ვარძელაშვილი, მისი მოადგილე დავით ნამგალაური და ჟურნალისტები, მშენებარე “შევარდენის” სანაკრებო ბაზაზე მიიწვია და მშნებლობის დათვალიერებასთან ერთად, მათ საქართველოს ეროვნული ნაკრების ახალი მთავარი მწვრთნელი, შოტლანდიელი რიჩი დიქსონი და უკანა ხაზის მწვრთნელი დონ კასკი წარუდგინა.

საქართველოს მორაგბეთა ეროვნული ნაკრების პირველხაზელმა დავით ზირაქაშვილმა კოჭის ტრავმა სრულად მოიშუშა და საფრანგეთის ელიტარულ დივიზიონ Top 14-ის მესამე ტურის მატჩში “კლერმონის” რიგებში მოედანზე პირველი წუთებიდან იყო, მაგრამ სინბინის გამო, 10 წუთი სადამსჯელო სკამზე გაატარა.
 

“სამი ერის” წლევანდელ გათამაშებაში, სამხრეთ აფრიკის მორაგბეთა ეროვნულმა ნაკრებმა, ზედიზედ ოთხი წაგებული შეხვედრის შემდეგ, ავსტრალიას 44:31 სძლია და დაკარგული პრესტიჟი ნაწილობრივ დაიბრუნა.
 

“მიხეილ მესხზე” მიმდინარე “შავი ზღვის თასის” მეორე რაუნდის შეხვედრები ისეთი შედეგებით დასრულდა, შანსი იმისა, რომ ამ ტურნირის პირველი გათამაშების გამარჯვებული ქართული გუნდი გახდეს, ძალზე გაიზარდა. უფრო მეტიც. ერთი ქართული კლუბი ფინალში უცილობლად იქნება და იქ მეორე ჩვენებურის მოხვედრაც რეალურია.

საქართველოს ჩემპიონატის ვერცხლის პრიზიორმა “ბათუმი XV”-მა, რომელიც ქართული კლუბების მორაგბეებითაა გაძლიერებული, რუმინული “არადი” 30:17 დასცა და მას ფინალში გასვლის საშუალება არ მისცა. პირველ სექტემბერს, ბათუმური კლუბის სახელით მობურთალი გუნდი “ლოკომოტივს” დაუპირისპირდება და “შავი ზღვის თასის” პირველი გათამაშების ერთ-ერთი ქართველი ფინალისტის ვინაობაც, მათი ჯახის შედეგად გაირკვევა.

საქართველოს მორაგბეთა გასული წლის გათამაშების ვერცხლისმედალოსანი "ბათუმი XV", დღეს "შავი ზღვის თასის" გათამაშებაში ჩაერთვება და რუმინული "არადის" დამარცხებით, მისთვის ფინალისკენ მავალი გზის გადაღობვას ეცდება.

სულ ცოტა დააკლდა თბილისის “ლოკომოტივის” საიმისოდ, რომ ახლად დაბადებული “შავი ზღვის თასი” ორივე ქართულ კლუბს გამარჯვებით დაეწყო. ზედ სასტვენის წინ, მახარაშვილს შორეული ჯარიმა რომ ზუსტად დაერტყა, ქართული რაგბის გულშემატკივრებს ზეიმის საბაბი ექნებოდათ, მაგრამ მეორე ნახევარში მებრძოლმა “ლოკომოტივმა”, “ლელოს” დარად გამარჯვებას ვერ უწია და ერთ პრემიალურ ქულას დასჯერდა, რომელიც გუშინ დაწყებული ტურნირისთვის დიდი ვერაფერი შეღავათია.

24 აგვისტოს ახალი საერთაშორისო სარაგბო ტურნირი იბადება - “შავი ზღვის თასი”. პირველ ჯერზე ორ რუმინულ და ერთ უკრაინულ კლუბს, სამი ქათული გუნდი დაუპირისპირდება, სამომავლოდ კი, საქართველოს რაგბის კავშირის პრეზიდენტი გია ნიჟარაძე დარწმუნებულია, რომ მასში მრავალი ქვეყნის წამყვანი კლუბები ჩაერთვებიან.

ახალი ზელანდიის სარაგბო ნაკრებმა იოჰანესბურგში მასპინძელი სამხრეთ აფრიკის ძლევის (29:22) შემდეგ, რაგბის საერთაშორისო საბჭოს (IRB) რეიტინგში საკუთარი ლიდერობა კიდევ უფრო გაიმყარა.
 

ახალი ზელანდიის სარაგბო ნაკრების ერთ-ერთი ლიდერი დებ კარტერი ხვალ ოპერაციის გაკეთებას გეგმავს, რის გამოც, სავარაუდო, 8 კვირის განმავლობაში იძულებით დაისვენებს.
 

საფრანგეთის ელიტარულ დივიზიონ Top 14-ის მეორე ტურში, ქართველი ლეგიონერების ექვსი კლუბიდან ხუთმა გაიმარჯვა. წარმატებას მხოლოდ “აჟენმა” ვერ მიაღწია, დანარჩენებმა კი, პირველ ტურში განცდილი მარცხის შემდეგ, წლევანდელ გათამაშებაში პირველი მოგებები იზეიმეს.

ახალი ზელანდიის მორაგბეთა ეროვნულმა ნაკრებმა, სამხრეთაფრიკელთა წინააღმდეგობა ბოლო მომენტში გატეხა, მასპინძლებს დასკვნით ხუთ წუთში ორი ლელო გაუტანა, 29:22 იმარჯვა და სამი ერის თასი მეათედ აღმართა.

საქართველოს ჩემპიონი და თასის მფლობელი თბილისის "ლელო", "შავი ზღვის თასის" პირველი გათამაშებისთვის სრული სერიოზულობით ემზადება და მისი მთავარი მწვრთნელი ლევან მაისაშვილი იმედოვნებს, რომ გუნდის გარჯა, ახლადდაარსებული თასის მოპოვებით დაგვირგვინდება.