კანადის ჰოკეისტთა ნაკრები ოლიმპიადების გამარჯვებული ისტორიაში მერვედ გახდა, რითაც საბჭოთა კავშირის გუნდს ერთი ოქროს მედლით გაუსწრო. კანადელებმა მორიგ წარმატებას მშობლიურ ვანკუვერში მიაღწიეს, სადაც აშშ-ს ეროვნული ნაკრების ძლევისთვის დამატებითი დროის თამაში დასჭირდათ.
 

“სამეფო რბოლად” მონათლული მოთხილამურეთა შეჯიბრი 50 კილომეტრზე, რომელსაც უისტლერის ოლიმპიურმა პარკმა უმასპინძლა, ნორვეგიელი პიტერ ნორტუგის გამარჯვებით დასრულდა.
 

”თვალები კარგად გაახილე, იყავი სწრაფი და მძვინვარე”, - სტარტზე გასვლამდე, ლეგენდარულმა ალბერტო ტომბამ ეს ურჩია თავის 25 წლის თანამემამულე ჯულიანო რაძოლის, რომელმაც კალგარის 1988 წლის ოლიმპიადის ჩემპიონის რჩევა გაითვალისწინა და ცხოვრების ოცნებაც აისრულა - სლალომში ოლიმპიური ჩემპიონი გახდა.

ვანკუვერის ოლიმპიადაზე ქართველი სამთომოთხილამურეებისთვის წარუმატებელი გამოდგა კაცთა სლალომი, რომელსაც უისტლერის ტრასამ უმასპინძლა. იასონ აბრამაშვილმა და ჯაბა გელაშვილმა ორივე ცდის ბოლომდე ჩამთავრება ვერ მოახერხეს.
 

13 ოქრო, 7 ვერცხლი და 5 ბრინჯაო – ასეთია ვანკუვერი-2010-ის მასპინძელთა მონაგარი ოლიმპიური თამაშების დასრულებამდე ერთი დღით ადრე და მედლების საერთო ჩათვლის ცხრილში ჩახედვის შემდეგ, ალბათ, დიდი გათვლები არაა საჭირო იმის მისახვედრად, რომ კანადელებზე მეტ ოქროს მიმდინარე ოლიმპიადაზე ვერცერთი ქვეყანა მოიპოვებს. ისევე, როგორც აშშ-ის სპორტულ დელეგაციას ვეღარავინ აჯობებს აღებული მედლების საერთო რაოდენობაში - 9 ოქრო, 14 ვერცხლი, 13 ბრინჯაო; სულ 36 მედალი.

გერმანელმა მარია რიშმა (სურათზე) სლალომში ოქროს მოპოვებით დააგვირგვინა ვანკუვერის ოლიმპიადაზე თავისი ბრწყინვალე გამოსვლა, თუმცა კვარცხლბეკზე ის მაინც გულნაკლული იდგა, რადგან იქ მის გვერდით არ იყო მისი უმცროსი და სუზანე.

მსოფლიოს 14-გზის ოქროს, 10-გზის ვერცხლისა და 9-გზის ბრინჯაოს ჩემპიონმა და ოლიმპიადების ხუთგზის გამარჯვებულმა ოლე ეინარ ბიორნდალენმა ვანკუვერის თამაშებზე პირველი ოქროს მედალი ბიატლონისტთა ტურნირის ბოლო სახეობაში მოიპოვა.
 

16 წლის ქართველმა სამთომოთხილამურე ნინო წიკლაურმა გიგანტურ სლალომში ასპარეზობის შემდეგ, სადაც მან პირველივე ცდა გააცუდა, სლალომში თავი უკეთ წარმოაჩინა და ტრასის დასრულება მოახერხა.
 

ცხრაგზის მსოფლიოს ჩემპიონმა და ოლიმპიადების ორგზის გამარჯვებულმა კანადის ქალ ჰოკეისტთა ნაკრებმა თავი არც მშობლიური პუბლიკის წინაშე შეირცხვინა და ვანკუვერის თამაშების გამარჯვებული გახდა.
 

ბელორუსის ისტორიაში ზამთრის ოლიმპიადების პირველი ჩემპიონი ალექსეი გრიშინი გახდა. ფრისტაილის სახეობა აკრობატიკაში მოასპარეზე სპორტსმენმა უმძიმესი კონკურენცია დაძლია და სამშობლოს ნანატრი ოქროს მედალი მოუტანა.
 

ფიგურული სრიალის ქართველმა ვარსკვლავმა ელენე გედევანიშვილმა ვანკუვერის ოლიმპიადის მოკლე პროგრამაში ნაჩვენები მე-9 შედეგის შემდეგ, თავისუფალ ცეკვაში გაცილებით უარესად იასპარეზა და საბოლოოდ, მე-14 პოზიცია დაიკავა.
 

ვანკუვერის ოლიმპიურ სოფელში მყოფ ქართულ დელეგაციას კანადელი მომღერალი მელისა მულდერ-ალბერტსონი ეწვია და ოლიმპიადაზე ტრაგიკულად დაღუპული ნოდარ ქუმარიტაშვილის შესახებ შექმნილი კლიპის შესახებ აცნობა.
 

გერმანელი ვიკტორია რებენსბურგის გამარჯვებით დასრულდა ქალ სამთო მოთხილამურეთა ოლიმპიური გიგანტური სლალომი, რომელიც უამინდობის გამო სტარტიდან მეორე დღეს დასრულდა.

უისტლერის ოლიმპიურ პარკში გამართული სათხილამურო ესტაფეტა ნორვეგიული კვარტეტის გამარჯვებით დასრულდა. ვიბეკ სკოტეფრუდმა, ტერეს იოჰაუგმა, კრისტინ სტოერმერ სტეირამა და მარიტ ბოერგენმა სამშობლოს მე-7 ოქროს მედალი მოუტანეს, რისი წყალობითაც, სკანდინავიელებმა საერთო ჩათვლაში მე-3 ადგილს უწიეს.

ვანკუვერის ოლიმპიადის ჰოკეის ტურნირზე გამართული მეოთხედფინალებიდან ცენტრალურ შეხვედრად კანადისა და რუსეთის ნაკრებთა მარადიული დაპირისპირება იქცა, რომლის ბილეთებიც “შავ ბაზარზე” 1500 დოლარად იყიდებოდა. მასპინძლებმა Canada Hockey Place-ში გამართული შეხვედრა მძლავრად ჩაატარეს და მეტოქე 7:3 გაანადგურეს.
 

ავსტრალიელმა ლიდია ლასილამ ფრისტაილის სახეობა აკრობატიკაში ჩინელებს ნინა ლისა და ქსიქსინ გოუს აჯობა და “მწვანე კონტინენტის” დელეგაციას მეორე ოქროს მედალი მოუტანა.
 

ჩინურმა დელეგაციამ ყულაბაში მეოთხე ოლიმპიური ოქრო ჩააჩხრიალა, რაც ძირითადად შორტ-ტრეკის ოსტატების დამსახურებაა – მათ კვარცხლბეკის უმაღლეს საფეხურს მესამეჯერ უწიეს.
 

უისტლერის ცენტრში გამართული ოლიმპიური შეჯიბრი ორადგილიან ბობებით სრიალში, ჩრდილოამერიკელ ქალთა ტრიუმფით დასრულდა.
 

მოციგურავე მარტინა საბლიკოვა ჩეხური დელეგაციის გადამრჩენელად იქცა. ვანკუვერში მიმდინარე ზამთრის ოლიმპიადაზე ჩეხების აქტივში ორი ოქრო და სამი ბრინჯაოა, საიდანაც ლომის წვლილი საბლიკოვაზე მოდის.
 

სამთომოთხილამურე ნინო წიკლაური პირველი ქართველი ოლიმპიელი გახდა, რომელმაც ვანკუვერის ზამთრის თამაშებზე ასპარეზობა ვადაზე ადრე დაასრულა.