1963. დაიბადა რობერტო დონადონი. იტალიის ნაკრების (1986-96), “ატალანტას”, “მილანის” ნახევარმცველი. მსოფლიოს 1994 წლის ჩემპიონატის ფინალისტი. იტალიის ნაკრებში ჩაატარა 63 მატჩი, გაიტანა 5 გოლი. სამჯერ მოიპოვა ჩემპიონთა თასი და იტალიის ჩემპიონობა. ორჯერ მოიპოვა ევროპის სუპერთასი, ერთხელ საკონტინენტთაშორისო თასი.

1972. დაიბადა მარკუს ბაბელი. გერმანიის ნაკრების, მიუნხენის “ბაიერნის”, “ჰამბურგის”, “ლივერპულის”, “ბლექბერნისა” და “შტუტგარტის” ფეხბურთელი. ევროპის ჩემპიონი (1996), ევროპის სუპერთასის მფლობელი (2001), ჩემპიონთა ლიგის ფინალისტი (1999), უეფას თასის ორგზის მფლობელი (1996, 2001), ბუნდესლიგის ოთხგზის ჩემპიონი (1997, 1999, 2000, 2007).
 

1968. კახაბერ ცხადაძე. საქართველოს ფეხბურთელთა ეროვნული ნაკრების, თბილისის ”დინამოს”, მოსკოვის ”დინამოსა” და ”სპარტაკის”, მაინის ფრანკფურტის ”აინტრახტის”, ”მანჩესტერ სიტის”, ვლადიკავკაზის ”სპარტაკ-ალანიას”, მახაჩყალის ”ანჟის” მცველი. იყო საქართველოს ნაკრებისა და თბილისის ”დინამოს” კაპიტანი. საქართველოს ორგზის ჩემპიონი (1990, 1991). გერმანიის ბუნდესლიგის პრიზიორი.

1913. დაიბადა ლეონიდასი (ლეონიდას და სილვა). ბრაზილიელი ფორვარდი. 1938 წლის მსოფლიოს ჩემპიონატის ბრინჯაოს მედლის მფლობელი. გახდა ტურნირის საუკეთესო ბომბარდირი. 1934 წლის მუნდიალის მონაწილე. ბრაზილიის ნაკრების 19 მატჩში გაიტანა 21 გოლი. 1938 წელს არაოფიციალურად მსოფლიოს საუკეთესო ფეხბურთელად დაასახელეს. საკლუბო დონეზე გამოდიოდა მონტევიდეოს “პენიაროლში” (1933), ”ვასკო და გამაში” (1934), ”ბოტაფოგოში” (1935-36), ”ფლამენგოსა” (1936-41) და “სან პაულუში” (1942-51). 1934, 1935 და 1936 წლებში გახდა კარიოკას ლიგის ჩემპიონი. 1943, 1945, 1946, 1948 და 1949 წლებში გახდა პაულისტას ლიგის ჩემპიონი. 

1967. დაიბადა მათიას ზამერი (სურათზე მარჯვნივ). გერმანიის დემოკრატიული და ფედერაციული რესპუბლიკების ნაკრებებისა და დორტმუნდის ”ბორუსიას” ფეხბურთელი. 1996 წლის ევროპის ჩემპიონი. ევროპის 1992 წლის ჩემპიონატის ფინალისტი. გდრ-ის გუნდში ჩაატარა 23 (6 გოლი) მატჩი, ხოლო გფრ-ის ეროვნულ ნაკრებში 51 (8 გოლი) შეხვედრა. 1997 წელს მოიპოვა ჩემპიონთა ლიგისა და საკონტინენტთაშორისო თასები. გფრ-ის სამგზის ჩემპიონი. ამჟამად გერმანიის საფეხბურთო კავშირში ჭაბუკთა და ახალგაზრდულ ნაკრებებს კურირებს.
 

1985. დაიბადა რაულ ალბიოლი. ესპანეთის ნაკრების, “ვალენსიას” (2004-09), მადრიდის “რეალის” (2009 წლიდან) მცველი. მსოფლიოს 2010 წლის ჩემპიონი. ევროპის 2008 წლის ჩემპიონი. ესპანეთის ეროვნულ ნაკრებში ჩაატარა 23 მატჩი. ესპანეთის “სამეფო თასის” მფლობელი (2008). 2004 წელს გახდა 19 წლამდელ ფეხბურთელთა შორის ევროპის ჩემპიონი.

1976. თბილისის “დინამომ”, საბჭოთა კავშირის თასის გათამაშების ფინალში, ერევნის “არარატს” 3:0 მოუგო და საპატიო პრიზს პირველად დაეუფლა (მანამდე, დინამოელებმა ზედიზედ ხუთ ფინალში მარცხის სიმწარე იწვნიეს). გოლები ყიფიანმა, კანთელაძემ (პენალტი) და ჩელებაძემ გაიტანეს. მატჩი მოსკოვის “ლუჟნიკის” სტადიონზე ჩატარდა და მას 60 ათასი მაყურებელი დაესწრო.

1989. დაიბადა ალეშანდრუ პატო (ალეშანდრუ როდრიგეს და სილვა). ბრაზილიის ნაკრების, “ინტერნასიონალის” (2006-07), “მილანის” (2007 წლიდან) ფორვარდი. 2009 წელს მოიგო კონფედერაციათა თასი. პეკინის 2008 წლის ოლიმპიური თამაშების ბრინჯაოს მედლის მფლობელი. 2007 წელს გახდა სამხრეთ ამერიკის ჩემპიონი 20 წლამდე ფეხბურთელთა შორის. Bრაზილიის ნაკრებში ჩაატარა 9 მატჩი, გაიტანა 2 გოლი. 2006 წელს “ინტერნასიონალის” შემადგენლობაში მსოფლიოს საკლუბო ჩემპიონი გახდა და იმ ტურნირში პატომ პელეს რეკორდი გააუმჯობესა – ფიფას ოფიციალურ შეჯიბრებებში გოლის გატანა ყველაზე ახალგაზრდამ შეძლო (17 წლისა და 102 დღის ასაკში).

1937. დაიბადა ილია დათუნაშვილი. 1959-67 წლებში იცავდა თბილისის “დინამოს” ღირსებას. 1964 წლის საბჭოთა კავშირის ჩემპიონი. ტაშკენტის 1964 წლის 17 ნოემბრის “ოქროს მატჩის” ორი გოლის ავტორი. 1962 და 1967 წლების პირველობების ბრინჯაოს მედლის მფლობელი. სსრკ-ს ჩემპიონატებში ჩაატარა 199 მატჩი, გაიტანა 47 გოლი. 38 საერთაშორისო მატჩში გაიტანა 10 გოლი. ორჯერ (1964, 1966) დაასახელეს “33 საუკეთესოთა” შორის.

1982. დაიბადა პეპე რეინა (ხოსე მანუელ რეინა პაესი). ესპანეთის ნაკრების, “ბარსელონას” (2000-02), “ვილიარეალის” (2002-05) და “ლივერპულის” (2005 წლიდან) მეკარე. მსოფლიოს 2010 წლის ჩემპიონი. ევროპის 2008 წლის ჩემპიონი. 1999 წელს, 17 წლამდელთა ნაკრებთან ერთად ევროპის ჩემპიონი გახდა. ესპანეთის ეროვნულ გუნდში ჩაატარა 20 მატჩი. “ვილიარეალის” შემადგენლობაში 2004 და 2005 წლებში დაეუფლა ინტერტოტოს თასს. “ლივერპულის” რიგებში გამოსვლისას, 2005 წელს მოიგო ევროპის სუპერთასი. 2006 წელს დაეუფლა ინგლისის საფეხბურთო ასოციაციისა და ქვეყნის სუპერთასს. ჩემპიონთა ლიგის ფინალისტი (2007).

2004. საბერძნეთის დედაქალაქ ათენში დასრულდა თანამედროვეობის 28-ე ოლიმპიური თამაშები. არაოფიციალურ გუნდურ ჩათვლაში პირველი ადგილი ამერიკის შეერთებული შტატების სპორტსმენებმა დაიკავეს (35 ოქრო, 39 ვერცხლი, 29 ბრინჯაო), მეორეზე ჩინელები გავიდნენ (32, 17, 14), ხოლო მესამეზე რუსები (27, 27, 38). ქართველთაგან ოლიმპიური ჩემპიონები გახდნენ ზურაბ ზვიადაური (ძიუდო) და გიორგი ასანიძე (ძალოსნობა), ხოლო ვერცხლის მედლებს ნესტორ ხერგიანი (ძიუდო) და რამაზ ნოზაძე (ბერძნულ-რომაული ჭიდაობა) დაეუფლნენ.

1946. დაიბადა ბობ ბიმონი (რობერტ ბობ ბიმონი). მსოფლიოს ყველა დროის ერთ-ერთი საუკეთესო მძლეოსანი. 1968 წელს, მეხიკოს ოლიმპიადის სიგრძეზე ხტომის ასპარეზობა ფენომენალური შედეგით მოიგო (8 მ 90 სმ). ამ რეკორდმა 23 წელი გაძლო და იგი 1991 წელს, მაიკლ პაუელმა მსოფლიოს ჩემპიონატზე მოხსნა (8 მ 95 სმ), ბიმონის მიღწევა კი დღემდე რჩება ოლიმპიურ რეკორდად. ბობ ბიმონი 1968 წელს პლანეტის საუკეთესო სპორტსმენად დაასახელეს.
 

2009. მონაკოში ჩატარებულ ევროპის სუპერთასზე, “ბარსელონამ” დამატებით დროში დონეცკის “შახტარს” 1:0 მოუგო. გოლი პედრო როდრიგესმა გაიტანა. ცნობისთვის, პედრო როდრიგესი პირველი ფეხბურთელია, რომელმაც ერთი სეზონის განმავლობაში 6 საკლუბო ტურნირში (პრიმერა დივიზიონი, ესპანეთის თასი და სუპერთასი, ევროპის სუპერთასი, ჩემპიონთა ლიგა და მსოფლიოს საკლუბო ჩემპიონატი) მოახერხა გოლის გატანა

1977. დაიბადა დეკუ (ანდერსონ ლუიშ დე სოუზა). ბრაზილიური წარმოშობის ფეხბურთელი, პორტუგალიის ნაკრების, “ალვერკას”, “სალგეირუშის”, “პორტუს” (1999-2004), “ბარსელონას” (2004-08), “ჩელსის” (2008-10) და “ფლუმინენსეს” ნახევარმცველი. 2002 წელს მიიღო პორტუგალიის მოქალაქეობა და ამ ქვეყნის ეროვნულ გუნდში დაიწყო თამაში. ევროპის 2004 წლის ჩემპიონატის ვიცე-ჩემპიონი. მსოფლიოს 2006 წლის ჩემპიონატის ნახევარფინალისტი. პორტუგალიის ნაკრებში ჩაატარა 64 მატჩი, გაიტანა 5 გოლი.

2004. თბილისის “დინამომ”, უეფას თასის გათამაშების მეორე საკვალიფიკაციო ეტაპის განმეორებით მატჩში, პრაღის “სლავიას” 2:0 მოუგო (ჩეხეთის დედაქალაქში პირველი შეხვედრა “დინამომ” 1:3 დათმო) და ტურნირის ჯგუფურ ეტაპზე გასვლა შეძლო. გოლები მეორე ტაიმში ლევან მელქაძემ და ჯაბა კანკავამ გაიტანეს. გუნდს გია გეგუჩაძე წვრთნიდა.

1918. დაიბადა ელენე გოკიელი. ქართველი მძლეოსანი. საბჭოთა კავშირის ჩემპიონი სიგრძეზე ხტომაში (1944) და მრავალგზის პრიზიორი 80 მ თარჯრბენში. ამ სახეობაში, სამი წლის განმავლობაში (1949-52) სსრკ-ს რეკორდსმენი იყო (11,3 წამი). 1952 წლის ოლიმპიადის მონაწილე. წინასწარ გარბენში მოიპოვა პირველი ადგილი, ნახევარფინალში ფინიშთან მეოთხე მიიჭრა და ფინალში ვერ გავიდა.

1965. დაიბადა რეჯი მილერი. აშშ-ის ნაკრების და “ინდიანა პეისერზის” მსროლელი (201 სმ). 1994 წლის მსოფლიოსა და 1996 წლის ოლიმპიური თამაშების ჩემპიონი. 1994 წლის მუნდიალზე დაასახელეს ტურნირის სიმბოლურ ნაკრებში. 18 სეზონის განმავლობაში (1987-2005) იცავდა “ინდიანა პეისერზის” ღირსებას. ეროვნული საკალათბურთო ასოციაციის მატჩებში მოპოვებული აქვს 25379 ქულა (მატჩში საშუალოდ 18,2 ქულა).

1978. დაიბადა კობი ბრაიანტი. აშშ-ის საკალათბურთო ნაკრებისა და “ლოს ანჯელეს ლეიკერსის” მსროლელი (198 სმ). 2008 წლის ოლიმპიური თამაშების ჩემპიონი. ეროვნული საკალათბურთო ასოციაციის ხუთგზის ჩემპიონი (2000, 20001, 2002, 2009, 2010). 12-ჯერ ითამაშა ეროვნული საკალათბურთო ასოციაციის “ყველა ვარსკვლავის” მატჩში (1998, 2000-2010). 2002 წელს დაასახელეს NBA-ის “ყველა ვარსკვლავის” მატჩის საუკეთესო მოთამაშედ.

1930. დაიბადა ჟილმარი (ჟილმარ დოს სანტოს ნევესი), ბრაზილიის ნაკრების, “ხაბაკვარას”, “კორინთიანსის” (1951-61), “სანტოსის” (1961-69) მეკარე. 1958 და 1962 წლების მსოფლიოს ჩემპიონი. მსოფლიოს ორგზის ჩემპიონი ერთადერთი მეკარეა. 1966 წლის მსოფლიოს ჩემპიონატის მონაწილე. ბრაზილიის ნაკრებში ჩაატარა 94 მატჩი. 1962 და 1963 წლებში მოიპოვა ლიბერტადორესისა და საკონტინენტთაშორისო თასები. სან პაულუს შტატის ათგზის ჩემპიონი. ხუთჯერ იმარჯვა რიო-სან პაულუს ტურნირზე. ბრაზილიის თასის ოთხგზის მფლობელი. საკლუბო დონეზე ჩაატარა 941 მატჩი.
 

2008. პეკინის ოლიმპიურ თამაშებზე, თავისუფალი სტილით მოჭიდავე რევაზ მინდორაშვილმა (84 კგ) ოქროს მედალი მოიპოვა, გიორგი გოგშელიძემ (96 კგ) კი ბრინჯაო დაისაკუთრა.