ჩინეთის ქალაქ შანხაიში დასრულებულ მსოფლიოს თასის მე-4 ეტაპზე მშვილდოსნობაში საქართველოს ქალთა ნაკრებმა მე-4 ადგილი დიაკავა. ქართველ მშვილდოსანთა სამეული (ქრისტინე ესებუა, ხათუნა ნარიმანიძე, ნათია ცინცაძე) მერვედფინალში მე-14 შედეგით გავიდა და მე-3 რეიტინგის მქონე აშშ-ს გუნდს, რომლის ერთ-ერთი წევრი ხათუნა ქვრიშვილია, 216:211 სძლია.

ყაზბეგის რაიონის დაბა სტეფანწმინდაში საერთაშორისო მარათონი გაიმართა, რომელიც კომპანია “ვიზიტინგ ჯორჯიას”, ტურიზმის დეპარტამენტისა და საქართველოს მძლეოსნობის ფედერაციის ერთობლივი ორგანიზებით ჩატარდა.

ხელბურთის კლუბმა “სსაუ თბილისმა” წლევანდელი ევროსეზონი გამანადგურებელი მარცხით გახსნა. ევროპის ხელბურთის ფედერაციის (EHF) თასის პირველი რაუნდის საწყის მატჩში, მამუკა მჟავანაძისა და მოთამაშე მწვრთნელის ტიტე კალანდაძის მიერ დარიგებულმა გუნდმა ებრაულ “ჰაპოელთან” 32:50 წააგო და განმეორებითი შეხვედრა, რომელსაც ასევე ისრაელი უმასპინძლებს, ფორმალობად აქცია.

დღეს, 3 სექტემბერს “სსაუ თბილისი” ევროპის ხელბურთის ფედერაციის (EHF) თასის გათამაშების პირველ ეტაპზე სათამაშოდ ისრაელში მიემგზავრება. თბილისელები რიშონ ლე ციონის “ჰაპოელს” 5 და 6 სექტემბერს შეხვდებიან, ორი მატჩის ჯამში გამარჯვებული კი მეორე ეტაპზე გავა.

საქართველოს მძლეოსნობის ფედერაციისა და ტურიზმის დეპარტამენტის ერთობლივი ორგანიზებით, 4 სექტემბერს ყაზბეგში საერთაშორისო მარათონი გაიმართება.
 

ჩინეთის ქალაქ შანხაიში მიმდინარე მსოფლიოს თასის ბოლო მე-4 ეტაპი წარუმატებელი გამოდგა ქართველი მშვილდოსნებისთვის. ინდივიდუალურ კვალიფიკაციაში ქართველთაგან ყველაზე კარგი შედეგი ქრისტინე ესებუამ აჩვენა, რომელიც 638 ქულით 24-ე გახლდათ. ხათუნა ნარიმანიძემ 627 ქულით 36-ე ადგილი დაიკავა, ასმათ დიასამიძე 618 ქულით 50-ე იყო, ხოლო ნათია ცინცაძემ 570 ქულით 83 მონაწილეს შორის 76-ე ადგილი დაიკავა და ფლეი ოფში გასულ 64 მშვილდოსანს შორის ვერ მოხვდა.
 

საქართველოს სპორტისა და ახალგაზრდობის საქმეთა მინისტრმა ლადო ვარძელაშვილმა მძლეოსნობის ფედერაციის ახალ ოფისში, მძლეოსნობაში რომის 1960 წლის ოლიმპიური ჩემპიონი რობერტ შავლაყაძე სპორტის რაინდის წოდებით დააჯილდოვა.
 

ტოკიოში 12-26 სექტემბერს დაგეგმილ აკი ბაშოზე პროფესიული სუმოს უმაღლეს მაკუუჩი დივიზიონში კვლავ სამი ქართველი – ლევან გორგაძე, ლევან ცაგურია და თეიმურაზ ჯუღელი იასპარეზებს. ეს ფაქტი სუმოს ახალი რეიტინგის იგივე ბანძუკეს გამოქვეყნების შემდეგ დადასტურდა.
 

პლიაჟის ფრენბურთის წყვილმა საქა-რთველომ ჰოლანდიის ქალაქ ჰააგაში მიმდინარე მსოფლიო ტურის ეტაპზე სასტარტო დღეს ორი გამარჯვება კი იზეიმა, თუმცა, შემდეგ მიჯრით ორი მარცხი მიითვალა და ასპარეზობა მეცხრე-მეთორმეტე ადგილებზე დაასრულა, რისთვისაც 240 სარეიტინგო ქულა და 6 ათასი დოლარი მიიღო.

ჰოლანდიის ქალაქ ჰააგაში დაწყებულ მსოფლიო ტურის ეტაპზე პლიაჟის ფრენბურთში ჩინებული სტარტი აიღო ქართულმა წყვილმა საქა-რთველომ, რომლის ღირსებასაც ბრაზილიელი გოგონები კრისტინა სანტანა და ანდრეცა ჩაგაში იცავენ.

დევიდ რუდიშამ ბერლინში, “იააფის მსოფლიო გამოწვევის” სერიის შეჯიბრებაზე, 800 მეტრზე სირბილში მსოფლიო რეკორდი დაამყარა.
 

რუს მძიმეწონოსან მოკრივეს, ნიკოლაი ვალუევს 2 სასწრაფო ოპერაციის გაკეთება სჭირდება, მარცხენა მხარსა და მარჯვენა ხელის სახსარზე.

საქართველოს სახელით მოთამაშე პლიაჟის ფრენბურთის წყვილმა გეორ-გიამ, რომლის ღირსებასაც ბრაზილიელი სპორტსმენები რენატო გომეში და ჟორჟე ტერშეირო იცავენ, ფინეთის ქალაქ მარიეჰანმში გამართულ მსოფლიო ტურის ეტაპზე მეცხრე-მეთორმეტე ადგილები გაიყო.

ფინეთის ქალაქ მარიეჰამნში მიმდინარე მსოფლიო ტურის ეტაპზე პლიაჟის ფრენბურთში, ქალთა წყვილმა საქა-რთველომ ხუთიდან სამი მატჩი მოიგო და შვეიცარიულ დუეტთან ერთად მეშვიდე-მერვე ადგილები გაიყო, რისთვისაც 300 სარეიტინგო ქულა და 7 600 დოლარი მიიღო.

პლიაჟის ფრენბურთის ქართულმა წყვილმა გეორ-გიამ, რომლის ღირსებასაც ბრაზილიელი ვაჟები რენატო გომეში და ჟორჟე ტერშეირო იცავენ, მსოფლიო ტურის მორიგი ეტაპის პირველ შეხვედრაში რუსულ წყვილს აჯობა და ხვალ კიდევ ერთ მატჩს ისევ რუსებთან ჩაატარებს.

ფინეთის ქალაქ მარიეჰამნში დაწყებულ მსოფლიო ტურის ეტაპზე პლიაჟის ფრენბურთში ჩინებული სტარტი აიღო ქალთა წყვილმა საქა-რთველომ, რომლის ღირსებასაც ბრაზილიელი გოგონები კრისტინა სანტანა და ანდრეცა ჩაგაში იცავენ.

WBC-ს ვერსიით მსოფლიოს ჩემპიონი ვიტალი კლიჩკო, მომავალ ბრძოლას WBC-ს ყოფილი ჩემპიონის, ამერიკელი შენონ ბრიგსის წინააღმდეგ გამართავს. გერმანული გამოცემა “Bild”-ის მიერ გავრცელებული ინფორმაციის თანახმად, ეს შეხვედრა 16 ოქტომბერს, ჰამბურგში შედგება.

პლიაჟის ფრენბურთის ქართულ წყვილ გეორ-გიასთვის ნორვეგიის ქალაქ კრისტიანსანდში გამართული მსოფლიო ტურის მორიგი ეტაპი საკმაოდ წარმატებული გამოდგა. რენატო გომეშმა და ჟორჟე ტერშეირომ მეცხრე-მეთორმეტე ადგილები გაიყვეს, რისი წყალობითაც 240 სარეიტინგო ქულა და 6 ათასი დოლარი გამოიმუშავეს.
 

ნორვეგიის ქალაქ კრისტიანსანდში გრძელდება მსოფლიო ტურის მორიგი ეტაპი პლიაჟის ფრენბურთში, სადაც ქართულმა წყვილმა გეორ-გიამ ოთხიდან სამი მატჩი მოიგო და მაღალი ადგილებისთვის ბრძოლას განაგრძობს.

უნგრეთის დედაქალაქ ბუდაპეშტში მიმდინარე ევროპის ჩემპიონატზე ჩინებული შედეგი აჩვენა წყალში მხტომელმა ჭოლა ჭანტურიამ, რომელმაც 3-მეტრიანი კოშკურიდან ხტომაში ფინალში გასვლა შეძლო და იქ მე-9 ადგილი დაიკავა.