ფრანკფურტის “აინტრახტის” 30 წლის ფორვარდი თეოფანის გეკასი საბერძნეთის ნაკრებში აღარ ითამაშებს. ეს გადაწყვეტილება ფეხბურთელმა ხორვატიასთან ევრო-2012-ის შესარჩევი ციკლის მატჩის (0:0) შემდეგ მიიღო, რომელშიც ელინელთა მწვრთნელმა ფერნანდო სანტუშმა შეცვლაზე შეიყვანა 59-ე წუთზე.

თურქული “ბეშიქთაშის” ესპანელ ნახევარმცველ გუტის გული სწყდება, რომ მადრიდის “რეალმა” ლამაზი გაცილება არ მოუწყო. ხოსე მარი გუტიერესმა ესპანურ as-თან “სამეფო კლუბიდან” რაულის უცერემონიოდ გაშვებაზეც ისაუბრა.

უელსის ეროვნული ნაკრების თავკაცმა ჯონ ტოშაკმა, პირდაპირ სატელევიზიო ეთერში გამოსვლისას, პოსტის დატოვების შესახებ განცხადება გააკეთა. როგორც Reuters-ი იტყობინება, ხუთშაბათს, კარდიფში გამართულ პრესკონფერენციაზე ტოშაკთან ერთად იმყოფებოდნენ უელსის ფეხბურთის ფედერაციის პრეზიდენტი ფილ პრიტჩარდი და გენერალური მდივანი ჯონათან ფორდი.

არგენტინის ნაკრებისა და იტალიური “პალერმოს” ახალგაზრდა შემტევმა ხავიერ პასტორემ Gazzetta dello Sport-თან საუბრისას თქვა, ჩემი ოცნება “ბარსელონაში” თამაშიაო.

“ტოტენჰემისა” და ინგლისის ნაკრების თავდამსხმელი ჯერმენ დეფო კოჭის ტრავმის გამო თვენახევარი იუქმებს. იგი 7 სექტემბერს ბერნში შვეიცარიასთან გამართულ ევროსაკვალიფიკაციო შეხვედრაში დაშავდა.

ბრაზილიის ნაკრების მთავარმა მწვრთნელმა მანუ მენეზეშმა ადგილობრივ გამოცემა Terra-ს გაუმხილა, რონალდოს ჯერ ნუ ჩამოწერთ, შესაძლოა, ნაკრებში დაბრუნდესო.

გერმანული Abendzeitung-ის ცნობით, “მიუნხენ 1860”-ის მცველ მათე ღვინიანიძეს კუჭი სტკიებია და სავარაუდოდ, მეორე ბუნდესლიგის მომდევნო ტურის მატჩს გამოტოვებს “დუისბურგთან”. ეს შეხვედრა შაბათს გაიმართება.

სამშაბათს ბუენოს აირესში მსოფლიოს ჩემპიონ ესპანელთა ძლევამოსილი დამარცხების შემდეგ არგენტინული ფეხბურთის მამები ისე ნაამებნი დარჩნენ, რომ ქვეყნის ნაკრების თავკაცის პოსტზე წლის ბოლომდე დატოვეს მწვრთნელის მოვალეობის შემსრულებელი სერხიო ბატისტა.

“მანჩესტერ სიტის” იტალიელმა ფორვარდმა მარიო ბალოტელიმ რუმუნულ “ტიმიშოარასთან” ევროპის ლიგის შეხვედრაში მუხლი დაიშავა და ოპერაციას საჭიროებს, რის შემდეგაც დაახლოებით ექვსი კვირა იძულებით იუქმებს.

ინგლისის ნაკრების იტალიელმა თავკაცმა ფაბიო კაპელომ განაცხადა, ევრო 2012-ის შემდეგ ინგლისის ფეხბურთის ასოციასთან კონტრაქტს აღარ გავაგრძელებ და საერთოდ პენსიაზე გავალო. 

გიორგი ნერგაძემ სამხრეთ აფრიკის ჩემპიონატში გოლი გაიტანა. “მოროკა სვალოუსის” ქართველმა ნახევარმცველმა “აიაქს კეიპტაუნთან” 2:3 წაგებულ მატჩში მე-40 წუთზე შეაგდო, რითაც ანგარიში 1:2 გახადა. ვუვუზელების ქვეყანაში მეორე ტურის შეხვედრები იყო და ნერგაძის გუნდს ჯერ ქულა არ აუღია.

პირველლიგელთა გათამაშება ახალი სტარტაღებულია და აქედანვე ჩანს, რომ რანგით დაწინაურებისთვის საკმაოდ დაძაბული და უკომპრომისო დაპირისპირება იქნება. II ტურის ცენტრალური შეხვედრა შედგა საჩხერეში, სადაც სოსო ფრუიძის გაწვრთნილმა ადგილობრივმა “ჩიხურამ” “გაგრას” უმასპინძლა.

ბირმინგემის "ასტონ ვილას" ხელმძვანელობამ უკვე ოფიციალურად დაადასტურა გუნდის თავკაცის პოსტზე ჟერარ ულიეს დანიშვნა. ინგლისური პრესის ცნობით, ბირმინგემელებმა ფრანგ სპეციალისტთან 3-წლიანი კონტრაქტი გააფორმეს.

მადრიდის "რეალის" მთავარი მწვრთნელი ჟოზე მოურინიო კლუბის მიერ ზაფხულის პერიოდში განხორციელებული ტრანსფერებით ბოლომდე კმაყოფილი ვერ დარჩა. თუმცა, დედაქალაქელთა თავკაცს იმედი აქვს, რომ ერთი წლის შემდეგ მაინც შეძლებს მისთვის სასურველი ყველა ფეხბურთელის შეძენას. მისი უმთავრესი მიზანი კი, მიუნხენის "ბაიერნიდან" ბასტიან შვაინშტაიგერის გადაბირება იქნება.

ესპანეთის "ვილიარეალის" იტალიელი თავდამსხმელი ჯუზეპე როსი ისტორიულ სამშობლოში დაბრუნებაზე ოცნებობს. 23 წლის ფეხბურთელი, რომელიც ამერიკაშია დაბადებული, პროფესიული კარიერის დასაწყისში "მანჩესტერ იუნაიტედის" (2005-07 წლები, 5 მატჩი, 1 გოლი) საკუთრება იყო, თუმცა "მანკუნიანელებს" იგი ჯერ "ნიუკასლში" (2006, 11, 0), ხოლო შემდეგ "პარმაში" (2007, 19, 9) ჰყავდათ განათხოვრებული. 2007 წელს როსი "ვილიარეალმა" (92, 33) შეიძინა და იტალიელი დღემდე მის ღირსებას იცავს.
 

იტალიის "ინტერის" პრეზიდენტი მასიმო მორატი "მილანის" ყოფილი ლიდერის, ბრაზილიელი კაკას შეძენაზე სერიოზულად ფიქრობს. აღნიშნული ინფორმაცია Сorriere Dello Sport-მა გაავრცელა. იმავე გამოცემის მტკიცებით, თუკი "ნერაძურის" მფლობელი ამ ტრანსფერის განხორციელებას შეძლებს, ამით იგი საკადრის პასუხს გასცემს "როსონერის", რომელმაც ექსინტერელი ზლატან იბრაჰიმოვიჩი "ბარსელონასგან" ინათხოვრა.
 

არგენტინის ფეხბურთელთა ეროვნული ნაკრების მცველი მარტინ დემიკელისი, შესაძლოა, იანვარში გერმანიის ბუნდესლიგიდან ესპანეთის ჩემპიონატში გადაბარგდეს. 29 წლის სამხრეთამერიკელ უკანახაზელზე პრეტენზიას პრიმერა დივიზიონის დებიუტანტი "რეალ სოსიედადი" აცხადებს. აღსანიშნავია, რომ დემიკელისს "ბაიერნის" დატოვება ჯერ კიდევ ზაფხულში სურდა, მაგრამ მიუნხენელთა ხელმძღვანელები არგენტინელის პოტენციურ მყიდველებს ფეხბურთელის ფასზე ვერ შეუთანხმდნენ.
 

ცნობილი ამბავია - მარიო ბალოტელი, როცა იგი ჯერ კიდევ "ინტერის" ფეხბურთელი იყო, ერთ-ერთმა ტელეარხმა "მილანის" ფორმაში გამოწყობილი აჩვენა. მაისურზე განური წარმოშობის იტალიელი ფორვარდის გვარი და ნომერი "45" ეწერა. შემდეგ ამ ამბავმა "ნერაძურის" გულშემატკივრებში სამართლიანი გულისწყრომა, ხოლო პრესაში მრავალი მითქმა-მოთქმა გამოიწვია. მიმომხილველთა დიდმა ნაწილმა ივარაუდა, რომ ბალოტელი "მილანის" ფანია და სეზონის დასრულების შემდეგ, იგი "ინტერის" ყველაზე პრინციპული მეტოქის შემადგენლობაში გადავიდოდა. საბოლოოდ კი, 20 წლის თავდამსხმელმა თავი "მანჩესტერ სიტიში" ამოჰყო.
 

ევროპის ჩემპიონატის შესარჩევი ტურნირის წარუმატებლად დაწყებამ პორტუგალიის ეროვნული გუნდის თავკაცის, კარლუშ კეირუშის სანაკრებო კარიერა ეჭვქვეშ დააყენა. შეგახსენებთ, რომ პირენეელები პირველ შეხვედრაში საკუთარ მოედანზე კვიპროსთან მხოლოდ ფრეს (4:4) დასჯერდნენ, ნორვეგიიდან კი მარცხით (0:1) დაბრუნდნენ.

არგენტინის ნაკრებისა და “მანჩესტერ სიტის” 26 წლის ფორვარდი კარლს ტევესი უცნაურ რამეს ამბობს, დავბერდი და ნაკრებში თამაშს ალბათ მალე დავასრულებო. სიტყვასიტყვით ვთარგმნით, ზუსტად ასე ამბობს.